ഷാര്ജയിലെ വെണ്ടക്ക റെക്കോഡ് ബുക്കില്
ഏറ്റവും നീളമേറിയ വെണ്ടയ്ക്ക എന്ന ഗിന്നസ് റെക്കോഡ് ഷാര്ജയിലെ സുധിഷ് കുമാര് സ്വന്തമാക്കും. മരുഭൂമിയില് പച്ചക്കറി കൃഷിയിലൂടെ അദ്ഭുതം സൃഷ്ടിച്ച സുധിഷ് ഇതിനകം ലിംക ബുക് ഓഫ് റെക്കോഡ്സില് ഇടം പിടിച്ചിട്ടുണ്ട്.
രണ്ടുമാസങ്ങള്ക്ക് മുമ്പ് മാതാപിതാക്കള് നാട്ടില് നിന്നു വരുമ്പോള് കൊണ്ടു വന്ന വെണ്ടക്കുരുക്കളാണ് സുധിഷിന് റെക്കോഡ് നേടികൊടുത്തത്. വീടിനോട് തൊട്ടടുത്തുള്ള സ്ഥലത്താണ് ഇത് പാകിയത്. നല്ലതുപോലെ ശ്രദ്ധിച്ചിരുന്നു. അസാധാരണ വലിപ്പം കണ്ടിട്ടും പറയ്ക്കാതിരുന്നത് അനുഗ്രഹമായി.
16.5 ഇഞ്ച് വലിപ്പമുള്ള വെണ്ട ലിംക ബുക് ഓഫ് റെക്കോഡിന്റെ ഭാഗമായി കഴിഞ്ഞു. ഷാര്ജ കാര്ഷിക മന്ത്രാലയവും ഇന്ത്യന് അസോസിയേഷന് ഓഫ് ഷാര്ജയും ഈ നേട്ടത്തില് സുധിഷിനെ അഭിനന്ദിച്ചിട്ടുണ്ട്.
ഗിന്നസ് ബുക്ക് അധികൃതറെ വിവരം അറിയിച്ചിട്ടുണ്ട്. അപേക്ഷ സ്വീകരിച്ച അവര് നാലാഴ്ചയ്ക്കുള്ളില് പരിശോധനയ്ക്കെത്താമെന്ന് അറിയിച്ചിട്ടുണ്ട്.