Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
എമിറേറ്റ്‌സില്‍ കൂടുതല്‍ ബാഗേജിന് അനുമതി
ദുബായ്: ഇന്ത്യക്കാര്‍ക്ക് ആശ്വാസമായി എമിറേറ്റ്‌സ് വിമാനങ്ങളില്‍ കൂടുതല്‍ ബാഗേജിന് അനുമതി. ഇന്ത്യക്കാര്‍ക്ക് മാത്രമല്ല ഈ ആനുകൂല്യം. ബംഗ്ലാദേശികള്‍ക്കും പാകിസ്ഥാനികള്‍ക്കും ബാഗേജ് ആനുകൂല്യം ലഭിക്കും.
ഇന്ത്യക്കാര്‍ക്കും ബംഗ്ലാദേശികള്‍ക്കും അധികമായി 10 കിലോ ബാഗേജ് വിമാനത്തില്‍ കൊണ്ടുപോകാം. പാകിസ്താനികള്‍ക്ക് 20 കിലോ അധിക ബാഗേജ് കൊണ്ടുപോകാം.
'ടേക്ക് മോര്‍ ദിസ് സമ്മര്‍' എന്ന പ്രമോഷണല്‍ പരിപാടിയുടെ ഭാഗമായിട്ടാണ് ഈ ആനുകൂല്യം. 2013 ജൂലായ് 31 ന് ആനൂകൂല്യത്തിന്റെ കാലാവധി തീരും.
സാധാരണയായി എക്കണോമിക് ക്ലാസ്സില്‍ 30 കിലോ ഗ്രാം ബാഗേജ് വരെ എമിറേറ്റ് എയര്‍ലൈന്‍ അനുവദിക്കുന്നുണ്ട്. ഇതുകൂടാതെയാണ് ഇപ്പോള്‍ ഇന്ത്യക്കാര്‍ക്ക് 10ഉം പാകിസ്താനികള്‍ക്ക് 20 ഉം കിലോ വീതം അധിക ബാഗേജ് കൊണ്ടുപോകാന്‍ അനുവദിച്ചിരിക്കുന്നത്.
സില്‍വര്‍, ഗോള്‍ഡ്, പ്ലാറ്റിനം തുടങ്ങിയ വിഭാഗങ്ങളിലെ യാത്രക്കാര്‍ക്കും ആനുകൂല്യം ലഭ്യമാണ്. സില്‍വര്‍ വിഭാഗത്തില്‍ 12 കിലോ അധിക ബാഗേജ് കൊണ്ടുപോകാം. ഗോള്‍ഡില്‍ 16 കിലോയും പ്ലാറ്റനം വിഭാഗത്തില്‍ 20 കിലോയും അധിക ബാഗേജിന് അനുമതിയുണ്ട്.
ഏറ്റവും കൂടുതല്‍ ബാഗേജ് കൊണ്ടുപോകാന്‍ അനുവദിക്കുന്ന എയര്‍ലൈന്‍ കമ്പനി തങ്ങളുടേതാണെന്ന് എമിറേറ്റ്‌സ് സീനിയര്‍ വൈസ് പ്രസിഡന്റ് മാജിദ് അല്‍ മുല്ല പറഞ്ഞു. എന്നാലും കൂടുതല്‍ ബാഗേജ് ആനുകൂല്യങ്ങള്‍ക്ക് വേണ്ടി ആളുകള്‍ ആവശ്യപ്പെട്ടുകൊണ്ടിരിക്കും. ചില പ്രത്യേക റൂട്ടുകളിലും, പ്രത്യക മാസങ്ങളിലും ആണ് ബാഗേജ് പരിധി കൂട്ടണമെന്ന ആവശ്യം കൂടുതല്‍ ഉണ്ടാകുന്നതെന്നും മാജിദ് അല്‍ മുല്ല പറഞ്ഞു.
