ദുബായ്: അമ്മ വേശ്യാവൃത്തിയ്ക്ക് നിര്ബന്ധിച്ച 16കാരി ഗര്ഭം ധരിച്ചു, പെണ്കുട്ടി പറയുന്നതിങ്ങനെ...
ദുബായ്: അമ്മ നിര്ബന്ധിത വേശ്യാവൃത്തിക്ക് വിധേയയായിക്കിയിരുന്ന 16 കാരി ഗര്ഭം ധരിച്ചു. പണം വാങ്ങിയ ശേഷം പാക് പെണ്കുട്ടിയെ അമ്മ പല പുരുഷന്മാര്ക്കും കാഴ്ച വെയ്ക്കുകയായിരുന്നു. പോലീസിന്റെ ഇടപെടലാണ് പെണ്കുട്ടി അനുഭവിച്ചിരുന്ന ദുരിതങ്ങള് പുറം ലോകത്തിന് മുമ്പില് തുറന്നു കാണിക്കാന് കഴിഞ്ഞത്.
പാകിസ്താനില് നിന്നുള്ള 42 കാരിയായ അമ്മയാണ് വേശ്യാവൃത്തിക്കായി 16 വയസ്സുകാരിയായ മക െദുബായിലെത്തിച്ചത്. ബ്യൂട്ടി പാര്ലറില് ജോലി ശരിയാക്കിയിട്ടുണ്ടെന്ന് പിതാവിനെ ബോധിപ്പിച്ച് ദുബായിലെത്തിച്ച ശേഷം പെണ്കുട്ടിയെ വേശ്യാവൃത്തിയ്ക്ക് അയക്കുകയായിരുന്നു. എന്നാല് പെണ്കുട്ടി കോടതിയില് സംഭവങ്ങള് തുറന്നുപറഞ്ഞോതോടെ ഇത് നിഷേധിച്ച അമ്മ പിന്നീട് കുറ്റസമ്മതം നടത്തുകയും ചെയ്തു.
കേസില് കുറ്റക്കാരെന്ന് കണ്ടെത്തിയതോടെ പെണ്കുട്ടിയുടെ അമ്മയ്ക്കെതിരെയും 50 കാരനായ പാക് പൗരനെതിരെയും പോലീസ് മനുഷ്യക്കടത്തിന് കേസെടുത്തു. ഇടപാടുകാര്ക്കടുത്തേക്ക് സഞ്ചരിക്കുന്നതിനിടെ പോലീസ് പിടിച്ചതോടെ പെണ്കുട്ടി പോലീസിനോട് ഇക്കാര്യങ്ങളെല്ലാം വെളിപ്പെടുത്തുകയായിരുന്നു. ആഗസ്തില് മുറാഖാബാദ് സ്റ്റേഷനിലായിരുന്നു കേസ് രജിസ്റ്റര് ചെയ്തത്. വൈദ്യ പരിശോധനയില് പെണ്കുട്ടി 12 ആഴ്ച ഗര്ഭിണിയാണെന്ന് കണ്ടെത്തി. ഇതോടെ പെണ്കുട്ടിയെ ദുബായ് ഫഔണ്ടേഷന് ഫോര് വുമണ് ആന്ഡ് ചില്ഡ്രണ് കീഴിലേക്ക് മാറ്റി.