Click it and Unblock the Notifications
Just In
Don't Miss
-
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
'അഞ്ച് ദിവസമായി ആശുപത്രിയിലായിരുന്നു, ഹെൽത്ത് ഇഷ്യു ഇല്ലായിരുന്നുവെങ്കിൽ ചിലപ്പോൾ കപ്പ് അടിച്ചേനെ' -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ജൈവ ക്യഷിയിലും കള്ളനാണയങ്ങള്‍ പെരുകുന്നു; നടന്‍ സലീം കുമാര്‍
ദുബായ്: ജൈവകാര്‍ഷിക രംഗത്തുള്ള കള്ളനാണയങ്ങളെ തിരിച്ചറിയാന്‍ സാധിക്കണമെന്ന് പ്രമുഖ ചലച്ചിത്ര നടനും പൊക്കാളി കൃഷിയുടെ പ്രചാരകനുമായ സലിംകുമാര്‍ പറഞ്ഞു.
യഥാര്‍ത്ഥ ജൈവകൃഷി ചെയ്യുന്ന കര്‍ഷകരെ കണ്ടെത്തി ആദരിക്കണമെന്നും സലിംകുമാര്‍ ആവശ്യപ്പെട്ടു. യു എ യിലെ വയലും വീടും ഫേസ്ബുക്ക് കൂട്ടായ്മയുടെ നേതൃത്വത്തില്‍ നടത്തിയ കാര്‍ഷികോത്സവത്തില്‍ സാംസ്‌കാരിക സംഗമം ഉദ്ഘാടനം ചെയ്ത് സംസാരിക്കുകയായിരുന്നു സലിംകുമാര്‍. നല്ല കൃഷിക്കാരന് മാത്രമേ നല്ല കലാകാരനാവാന്‍ സാധിക്കൂ.
കൃഷി ചെയ്യുമ്പോള്‍ കിട്ടുന്ന സംതൃപ്തി ഓസ്‌കാര്‍ അവാര്‍ഡ് ലഭിച്ചാല്‍ പോലും കിട്ടില്ലെന്ന് സലിംകുമാര്‍ പറഞ്ഞു. പൊക്കാളി കൃഷി പ്രചരിപ്പിക്കുന്നതിന് കൃത്യമായ പദ്ധതി തയ്യാറാക്കണമെന്ന് അദ്ദേഹം ആവശ്യപ്പെട്ടു. കാര്‍ഷിക സെമിനാര്‍ ദുബായ് ഇന്ത്യന്‍ കോണ്‍സുലേറ്റിലെ ഡെപ്യുട്ടി കോണ്‍സല്‍ ജനറല്‍ കെ മുരളീധരന്‍ കാര്‍ഷികോത്സവം ഉദ്ഘാടനം ചെയ്തു.
നടന്‍ സലിം കുമാര്‍ മുഖ്യാതിഥിയായിരുന്നു. ഇന്ത്യയില്‍ ഉടനീളം പരിസ്ഥിതി സന്ദേശം പ്രചരിപ്പിക്കുന്ന സ്വാമി സംവിധാനന്ദ് ജൈവകൃഷിയെക്കുറിച്ച് ക്ലാസ്സെടുക്കുന്ന ഗോപു കൊടുങ്ങല്ലൂര്‍, ആകാശവാണി വയലും വീടും പരിപാടിയുടെ മുന്‍ അവതാരകനും യു എ ഇ എക്‌സ്‌ചേഞ്ച് ബിസിനസ് അസ്സോസിയേഷന്‍സ് ആന്‍ഡ് ഇവന്റ്‌സ് മേധാവി വിനോദ് നമ്പ്യാര്‍ പ്രവാസി എഴുത്തുകാരന്‍ ബഷീര്‍ തിക്കൊടി എന്നിവര്‍ പ്രഭാഷണം നടത്തി. സൗജന്യ വിത്ത് വിതരണം, ജൈവ വള ജൈവ കീടനാശിനി വിതരണം പച്ചക്കറി വിതരണം എന്നിവയും ഉണ്ടായിരുന്നു. മികച്ച കര്‍ഷകനെ കണ്ടെത്തുന്നതിന് ഫേസ്ബുക്കിലൂടെ നടത്തിയ മത്സരത്തിലെ വിജയിയായി സനീഷ സന്ദീപിനെ പ്രഖ്യാപിച്ചു. ദുബായ് അല്‍ഖൂസ് ആംലെഡ് സ്‌കൂളില്‍ നടന്ന പരിപാടിയില്‍ ആയിരത്തോളം പേര് പങ്കെടുത്തു.
