Click it and Unblock the Notifications
Just In
Don't Miss
-
അഞ്ച് വർഷം ഗർഭം ധരിക്കാൻ ശ്രമിച്ചു, പക്ഷെ നടന്നില്ല; വാടക ഗർഭധാരണ മാർഗം സ്വീകരിച്ചതിനെക്കുറിച്ച് കിരൺ -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ബിനോയ് കോടിയേരി കേരളത്തിലേക്ക്; പ്രമുഖരുടെ ഇടപെടലുകള്‍ ഫലം കാണുന്നു
ദുബായ്: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന്‍ ബിനോയ് കോടിയേരി ഉടന്‍ കേരളത്തിലേക്ക് തിരിക്കുമെന്ന് റിപ്പോര്‍ട്ട്. സാമ്പത്തിക ഇടപാടിനെ തുടര്‍ന്ന് ദുബായില്‍ യാത്രാവിലക്കുള്ള ബിനോയിയുടെ കേസുകളില്‍ ഒത്തുതീര്‍പ്പ് ഫലംകാണുകയാണ്. കേരളത്തിലെ പ്രമുഖരായ വ്യവസായികളാണ് ബിനോയിക്കുവേണ്ടി രംഗത്തുള്ളത്.
ജാസ് ടൂറിസം ഉടമ ഹസന്‍ ഇസ്മായില്‍ മര്‍സൂഖിക്ക് 1.75 കോടി രൂപയാണ് നല്‍കാനുള്ളത്. ഇത് നല്‍കിയാല്‍ ബിനോയിക്ക് നാട്ടിലേക്ക് തിരിക്കാം. ഇതിനിടെ മറ്റാരെങ്കിലും കേസുകള്‍ നല്‍കിയേക്കുമെന്നതിനാല്‍ എത്രയും പെട്ടെന്ന് ഇടപാടുകള്‍ തീര്‍ത്ത് നാട്ടിലേക്ക് തിരിക്കാനുള്ള ഒരുക്കത്തിലാണ് ബിനോയ്.
ബിനോയ് കൂടുതല്‍ ദിവസം ദുബായില്‍ തങ്ങുന്നത് പ്രശ്‌നങ്ങള്‍ സങ്കീര്‍ണമാക്കിയേക്കും. മാത്രമല്ല, അത് സിപിഎമ്മിനെതിരായ ആരോപണങ്ങള്‍ ശക്തിപ്പെടുത്താന്‍ പ്രതിപക്ഷം ഉപയോഗിക്കുകയും ചെയ്യും. അതുകൊണ്ടുതന്നെ പ്രമുഖരെ ഇടപെടുവിച്ച് സാമ്പത്തിക ഇടപാട് അവസാനിപ്പിക്കാന്‍ കോടിയേരി ബാലകൃഷ്ണന്‍ തന്നെ മുന്‍കൈ എടുത്തിട്ടുണ്ട്.
വ്യവസായികള്‍ ഇടപെട്ടതോടെ പ്രശ്‌നപരിഹാരം വേഗത്തിലാകും. അതേസമയം, ഇത്തരത്തില്‍ കോടിയേരിയുടെ മകനുവേണ്ടി ഇടപെടുന്ന വ്യവസായികള്‍ക്ക് കേരളത്തില്‍ ഏതെങ്കിലും തരത്തില്‍ വിട്ടുവീഴ്ച നടത്തിയാല്‍ അത് പിന്നീട് വന്‍ വിവാദത്തിനാകും ഇടവരുത്തുക. വിഷയത്തില്‍ പാര്‍ട്ടിക്ക് യാതൊരു പങ്കുമില്ലെന്ന് സിപിഎം ആവര്‍ത്തിച്ച് വ്യക്തമാക്കുമ്പോഴും നിയമവിരുദ്ധമായ ആനുകൂല്യങ്ങള്‍ കേരളത്തില്‍ വ്യവസായികള്‍ക്ക് ലഭിച്ചാല്‍ വിവാദം മറ്റൊരു തലത്തിലേക്ക് കടക്കുമെന്നുറപ്പാണ്.
