ഓണ്ലൈന് ടിക്കറ്റ് വാങ്ങൂ, ഇത്തിഹാദ് എയര്വെയ്സ് വീട്ടില് വന്ന് പണം വാങ്ങും
അബുദാബി:യുഎഇയില് എയര്ലൈന് ഉപഭോക്താക്കള്ക്ക് പുതിയ ഓണ്ലൈന് ബുക്കിങ് സൗകര്യങ്ങള് ഒരുക്കി കൊണ്ട് ഇത്തിഹാദ് എയര്വെയ്സ്. വീട്ടില് ഇരുന്നു കൊണ്ട് പേ @ഹോം ഓണ്ലൈന് പേയ്മെന്റ് ഓപ്ഷന് ഉപയോഗിച്ച് വിമാനങ്ങളുടെ അല്ലെങ്കില് , സ്മാര്ട്ട് സേവനങ്ങള് ബുക്ക് ചെയ്താല് 24 മണിക്കൂറിനകം നിങ്ങളുടെ വീട്ടില് എത്തി പണം സ്വീകരിക്കും.
പേഫോര്ട്ടിന്റെ സഹകരത്തോടെയാണ് ഇത്തിഹാദ് എയര്വെയ്സ് പുതിയ സംരംഭത്തിന് തുടക്കമിട്ടിരിക്കുന്നത്.വീട്ടില് ഇരുന്നു കൊണ്ട് സുരക്ഷിതമായി സമ്മര്ദമില്ലാതെ പണമടയ്ക്കാന് കഴിയുന്ന വഴിയാണ് ഒരുക്കിയിരിക്കുന്നത്.
ഉപഭോക്താക്കളുടെ ആവശ്യങ്ങള് അറിഞ്ഞു കൊണ്ട് മികച്ച സേവനങ്ങള് നല്കുകയാണ് ഇത്തിഹാസ് എയര്വേയ്സിന്റെ ലക്ഷ്യമെന്ന് വൈസ് പ്രസിഡന്റ് ജസ്റ്റിന് വാര്ബി പറഞ്ഞു. ഓണ്ലൈന് ബുക്കിങില് നിന്നും വ്യത്യസ്തമായ അനുഭവമായിരിക്കും പേ@ഹോമിന് നല്കാന് കഴിയുക എന്നും കമ്പനി ഉറപ്പു പറയുന്നു.
www.etihad.com എന്ന വെബ് സൈറ്റിലൂടെ ഓണ്ലൈന് ബുക്കിങ് ചെയ്യാവുന്നതാണ്. പേ@ഹോം എന്ന ഓപ്ഷന് തിരഞ്ഞെടുത്ത് പേരും വിവരങ്ങളും കൃത്യമായി നല്കിയാല് 24 മണിക്കൂറിനുള്ളില് വീട്ടില് വന്ന് പണം സ്വീകരിക്കുകയും റസീപ്റ്റ് നല്കുകയും ചെയ്യും.
വിമാനം പുറപ്പെടുന്നതിന് 48 മണിക്കൂര് മുന്പാണ് ഈ സേവനം ലഭ്യമാകുന്നത്. 24 മണിക്കൂറിനുള്ളില് പണം പിരിക്കാന് കഴിയുന്ന സ്ഥങ്ങളില് നിന്ന് മാത്രമാണ് ബുക്കിങ് സൗകര്യം ഏര്പ്പെടുത്തിയിരിക്കുന്നത്. അബുദാബിയില് നിന്നാണ് വിമാനങ്ങള് യാത്ര തുടങ്ങുന്നത്. യുഎഇ ദിര്ഹം വഴി മാത്രമാണ് പേയ്മെന്റ് സൗകര്യം ഏര്പ്പെടുത്തിയിരിക്കുന്നത്.