അലിന്ഡിനെ കുറിച്ച് കേട്ടതൊക്കെ തെറ്റ്; ഭൂമി വില്ക്കാന് ഉദ്ദേശമില്ലെന്ന് കമ്പനി സിഇഒ
തിരുവനന്തപുരം: അലിന്ഡ് ഭൂമി വിവാദത്തില് വിശദീകരണവുമായി കമ്പനി സിഇഒ ആര് ശ്രീകുമാര്. അലിന്ഡ് ഭൂമി വില്ക്കാന് ഉദ്ദേശമില്ലെന്ന് അദ്ദേഹം പറഞ്ഞു. കെഎസ്ഇബിയില് നിന്ന് ഓഡര് കിട്ടിയ ശേഷം കുണ്ടറ യൂണിറ്റില് ഉത്പാദനം ആരംഭിക്കുമെന്നാണ് അദ്ദേഹം പറയുന്നത്. ഫാക്ടറിക്ക് വേണ്ട പ്രവര്ത്തന മൂലധനം നല്കാന് പ്രൊമോട്ടര് ഗ്രൂപ്പ് തയ്യാറാണെന്നും സിഇഒ പറയുന്നു.
അലിന്ഡിന്റെ
1300
കോടി
രൂപയോളം
വരുന്ന
ആസ്തി
വില്ക്കുകയാണ്
സൊമാനി
ഗ്രൂപ്പിന്റെ
ഉദ്ദേശമെന്ന്
സര്ക്കാര്
അപ്പല്ലേറ്റ്
അതോറിട്ടി
ഓഫ്
ഇന്ഡസ്ട്രിയല്
ആന്ഡ്
ഫിനാഷ്യല്
റീ
കണ്സ്ട്രക്ഷനില്
നല്കിയ
അപ്പീലില്
സര്ക്കാര്
ആരോപിച്ചിരുന്നു.
ഇതിനുള്ള
മറുപടിയാണ്
സിഇഒ
നല്കിയത്.
കുണ്ടറ അലിന്ഡ് ഭൂമിയുടെ പാട്ടക്കാലാവധി പുതുക്കേണ്ടെന്നു റവന്യു വകുപ്പ് തീരുമാനിച്ചിരുന്നു. പാട്ടക്കാലാവധി പഴയനിരക്കില് പുതുക്കണമെന്നു ബിഐഎഫ്ആര് ഓഡറിലുണ്ടെന്ന് സിഇഒ വ്യക്തമാക്കുന്നു. യന്ത്രങ്ങള് അറ്റക്കുറ്റപ്പണി നടത്തി ഓടുന്ന സ്ഥിതിയിലാണെന്നും എന്നാല് ഉത്പാദനം തുടങ്ങണമെങ്കില് കെഎസ്ഇബിയില് നിന്ന് ഓഡര് കിട്ടണമെന്നും അദ്ദേഹം.
ഓഡര് കിട്ടി അസംസ്കൃത വസ്തുക്കളും ഇറക്കുമതി ചെയ്താല് മൂന്നാഴ്ചയ്ക്കു ശേഷം ഉത്പാദനം തുടങ്ങാമെന്ന് അദ്ദേഹം പറഞ്ഞു. ഇപ്പോള് സര്ക്കാരില് നിന്നുള്ള ആനുകൂല്യങ്ങള്ക്കായി കാത്തിരിക്കുകയാണെന്നും സിഇഒ വ്യക്തമാക്കുന്നു.