പത്മശ്രീ പുരസ്‌കാര ജേതാക്കളെയും, യുവജനോത്സവ വിജയികളെയും അഭിനന്ദിച്ചു

ദുബായ് : ഈ വര്‍ഷത്തെ പദ്മശ്രീ ജേതാക്കളായ കഥകളി ആചാര്യന്‍ ഗുരു ചേമഞ്ചേരി കുഞ്ഞിരാമന്‍ നായര്‍, കളരിപ്പയറ്റില്‍ കടത്തനാടിന്റെ ഉണ്ണിയാര്‍ച്ചയായ മീനാക്ഷിയമ്മ എന്നിവരെ കോഴിക്കോട് ജില്ലാ പ്രവാസി (യു എ ഇ ) കമ്മറ്റി അഭിനന്ദിച്ചു.

കേരളത്തിന്റെ പാരമ്പര്യ കലകളെയും, പൈതൃകങ്ങളേയും രാജ്യത്തെ പരമോന്നത ബഹുമതികള്‍ക്കായി പരിഗണിക്കപ്പെടുന്നു എന്നത് പ്രത്യേകം പ്രശംസ അര്‍ഹിക്കുന്നതാണെന്ന് യോഗം വിലയിരുത്തി.

ആക്ടിങ് പ്രസിഡണ്ട് മുഹമ്മദ് ബഷീര്‍ അധ്യക്ഷത വഹിച്ചു. അഷ്റഫ് താമരശ്ശേരി, മോഹന്‍ എസ് വെങ്കിട്ട് , എ കെ ഫൈസല്‍ മലബാര്‍, അഡ്വ. മുഹമ്മദ് സാജിദ്, ജമീല്‍ ലത്തീഫ് എന്നിവര്‍ സംസാരിച്ചു. തുടര്‍ച്ചയായി പതിനൊന്നാം തവണയും, സംസ്ഥാന യുവജനോത്സവ കല കിരീടം നേടിയ കോഴിക്കോട് ജില്ലാ ടീമിനെയും യോഗം അഭിനന്ദിച്ചു.

English summary

Dubai; Congratulated Padmasree Award winners and Youth festival winners