ദുബായ്: ഇഷ്ടനമ്പര് 5, ഇന്ത്യക്കാരന് സ്വന്തമാക്കിയത് 60 കോടിയ്ക്ക്!!!
ദുബായ്: പ്രമുഖ കാര് ബ്രാന്ഡായ റോള്സ് റോയ്സിന്റെ ഇഷ്ടനമ്പര് ഇന്ത്യക്കാരന് സ്വന്തമാക്കി. ദുബായിലെ ജെ ഡബ്ല്യൂ മാര്ക്വിസ് ഹോട്ടലില് വച്ച് നടന്ന ലേലത്തില് ഇന്ത്യക്കാരനായ ബല്ബീന്ദര് സാഹ്നിയാണ് ഇഷ്ടനമ്പറിനായി ഇത്രയധികം തുക ചെലവിട്ടത്. 20 മില്യണ് ദിര്ഹത്തില് ആരംഭിച്ച ലേലമാണ് അറുപത് കോടിയില് അവസാനിച്ചത്.
നേരത്ത 25 മില്യണ് ദുബായ് ദിര്ഹം ചെലവഴിച്ച് ദുബായ് ഫാന്സി നമ്പറും ഇയാള് സ്വന്തമാക്കിയിരുന്നു. ഇതിന് പിന്നാലെയാണ് അറുപത് കോടിയ്ക്ക് അഞ്ചാം നമ്പര് സ്വന്തമാക്കിയത്. 16 പേര് പങ്കെടുത്ത ലേലത്തില് നിന്നാണ് സാഹ്നി ഇഷ്ടനമ്പര് സ്വന്തമാക്കിയത്. അഞ്ച് തന്റെ ഭാഗ്യ നമ്പറായതിനാലാണ് നമ്പര് ലേലത്തില് വാങ്ങിയതെന്ന് സാഹ്നി പ്രതികരിച്ചു. 2008ല് അറബ് വ്യാപാരി 52.2 മില്യണ് ചെലവഴിച്ച് ഡി 1 എന്ന നമ്പര് സ്വന്തമാക്കിയ റെക്കോര്ഡാണ് നിലവിലുള്ളത്.
ജീവകാരുണ്യ പ്രവര്ത്തനങ്ങള്ക്ക് വേണ്ടിയാണ് ദുബായി റോഡ്സ് ആന്ഡ് ട്രാന്സ്പോര്ട്ട് അതോറിറ്റി ലേലം സംഘടിപ്പിച്ചത്. കുവൈത്തില് ജനിച്ച് വളര്ന്ന സാഹ്നി ആര്എസ്ജി ഇന്റര്നാഷണല് ഗ്രൂപ്പ് ഓഫ് കമ്പനീസിന്റെ ചെയര്മാനാണ്.