ഐഫോണ് ഫോര് ലൈഫില് അംഗമാകുന്നവര്ക്ക് ഐഫോണിന്റെ പുതിയ മോഡലുകള് സൗജന്യം!!!
ദുബായ്: യുഎഇ ലെ മുന്നിര ടെലികോം കമ്പനിയായ ഇത്തിസലാത്തിന്റെ ഏറ്റവും പുതിയ പദ്ധതി പ്രകാരം 18 മാസം, 24 മാസം കരാറുകളില് ഐഫോണ് 7 അല്ലെങ്കില് 7 പ്ലസ്സ് സ്വന്തമാക്കുന്ന ഉപഭോക്താക്കളെ ഐഫോണ് ഫോര് ലൈഫ് പദ്ധതിയില് ഉള്പ്പെടുത്തും.
പദ്ധതി പ്രകാരം ഐഫോണ് പുതിയ മോഡലുകള് വിപണിയില് ഇറക്കുമ്പോള് പഴയ ഫോണ് തിരികെ നല്കി പുതിയ മോഡല് സൗജന്യമായി സ്വന്തമാക്കാം. 18,24 മാസ കരാറില് ഐഫോണ് 6 ഐഫോണ് 6 പ്ലസ്സ് വാങ്ങിയവര്ക്കും പദ്ധതിയില് പങ്കാളികളാവാം, പക്ഷെ ഇവര് കരാര് കലാവധി പൂര്ത്തിയാക്കിയിരിക്കണം.
ഇത്തരക്കാര്ക്ക് പഴയ ഫോണ് തിരികെ നല്കി പുതിയ ഐഫോണ് 7, ഐഫോണ് 7 പ്ലസ്സ് എന്നിവ സൗജന്യമായി സ്വന്തമാക്കാന് അവസരം ഒരുക്കുന്നതാണ് ഇത്തിസലാത്തിന്റെ പുതിയ പ്രഖ്യാപനം. ശനിയാഴ്ച മുതല് ദുബായ് മാളിലെ ആപ്പിള് സ്റ്റോറിലും, ഇത്തിസലാത്ത് സ്റ്റോറുകളിലും ലഭ്യമാകുന്ന 7, 7പ്ലസ്സ് ഫോണുകള് ഞായറാഴ്ച മുതല് പൊതുവിപണിയില് ലഭ്യമാകും. 2599 ദിര്ഹമാണ് വിപണി വില.