ഷാര്ജയില് ഭക്ഷ്യവിഷബാധയെ തുടര്ന്ന് ആറംഗ കുടംബം ആശുപത്രിയില്; വീട്ടുവേലക്കാരിയെ സംശയം
ഷാര്ജ: ഗുരുതരമായ ഭക്ഷ്യവിഷബാധയെ തുടര്ന്ന് ആറംഗ കുടുംബത്തെ ഷാര്ജയിലെ ആശുപത്രിയില് പ്രവേശിപ്പിച്ചു. മാതാപിതാകള്ക്കും നാലു കുട്ടികള്ക്കുമാണ് ഭക്ഷ്യവിഷബാധയേറ്റിരിക്കുന്നത്.
വ്യാഴ്യാഴ്ച വീട്ടില് നിന്നും ഉച്ചഭക്ഷണം കഴിച്ചതിനെ തുടര്ന്ന് ശാരീരിക അസ്വസ്ഥതകള് അനുഭവപ്പെടുകയായിരുന്നു. കുട്ടികള്ക്ക് ഛര്ദിയും വയറുവേദനും കൂടിയപ്പോഴാണ് ആശുപത്രിയില് പ്രവേശിപ്പിച്ചത്. പിന്നീട് 11 വയസ്സുള്ള കുട്ടിയുടെ ആരോഗ്യനില അതീവ ഗുരുതരമാവുകയായിരുന്നു.
അത്യാഹിത വിഭാഗത്തില് പ്രവേശിപ്പിച്ച കുട്ടിയുടെ ചികിത്സ തുടര്ന്ന് കൊണ്ടിരിക്കുകയാണ്. മറ്റു മൂന്ന് കുട്ടികളുടെ ആരോഗ്യസ്ഥിതി മെച്ചപ്പെട്ട് വരുന്നു. വീട്ടില് നിന്നും ഉച്ചയ്ക്ക് ഭക്ഷണം കഴിക്കാത്ത മുതിര്ന്ന രണ്ട് ആണ്കുട്ടികളാണ് ഇവരെ ആശുപത്രിയില് എത്തിച്ചത്.
ആശുപത്രി അധികൃതര് ഷാര്ജ പോലീസില് വിവരം അറിയിച്ചതിനെ തുടര്ന്ന് അന്വേഷണം ആരംഭിച്ചു. വീട്ടുജോലിയ്ക്ക് എത്തിയ യുവതിയെയാണ് പോലീസ് സംശയിക്കുന്നത്. വീട്ടുക്കാര് കഴിച്ച അതേ ഭക്ഷണം തന്നെയാണ് യുവതിയും രണ്ട് നേരം കഴിച്ചത്. പക്ഷെ അവര്ക്ക് യാതൊരു പ്രശ്നങ്ങളും ഇല്ലായിരുന്നു. ഫോറന്സിക് റിപ്പോര്ട്ടുകള് പുറത്ത് വന്നതിന് ശേഷം മാത്രമേ കൂടുതല് നടപടിയിലേക്ക് എടുക്കൂ.