• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ദോഹ മെട്രോ: അറബിക്കുതിരയുടെ മാതൃകയില്‍ നാല് ട്രെയിനുകള്‍ ഖത്തറിലെത്തി

  • By desk

ദോഹ: ദോഹ മെട്രോയ്ക്കുള്ള ആദ്യ നാല് ട്രെയിനുകള്‍ ഖത്തറിലെത്തി. ജപ്പാനിലെ കൊബെയില്‍ നിന്ന് കപ്പല്‍ വഴിയാണ് ഇവ എത്തിച്ചത്. ജപ്പാനില്‍ നിന്ന് ഒരാഴ്ച യാത്ര ചെയ്താണ് ട്രെയിനുകള്‍ ഹമദ് തുറമുഖത്തെത്തിയതെന്ന് പദ്ധതിയുടെ കരാര്‍ ഏറ്റെടുത്ത ഖത്തര്‍ റെയില്‍ അറിയിച്ചു. 2020ഓടെ യാത്രക്കാര്‍ക്കായി തുറന്നുകൊടുക്കാനുദ്ദേശിക്കുന്ന ദോഹ മെട്രോ പദ്ധതിക്കാവശ്യമായ 75 ട്രെയിനുകളില്‍ ആദ്യ ബാച്ചാണ് ചൊവ്വാഴ്ച രാത്രി ഇവിടെയെത്തിയത്. ഇവ അല്‍വഖ്‌റ ഡിപ്പോയിലെത്തിച്ച് കൂട്ടിയോജിപ്പിച്ച ശേഷം സുരക്ഷാ പരിശോധനകള്‍ നടത്തും.

പ്രതീക്ഷിച്ചതിലും രണ്ട് മാസം നേരത്തേയാണ് ട്രെയിനുകളുടെ ആദ്യ ബാച്ച് എത്തിയതെന്ന് ഖത്തര്‍ റെയില്‍ അറിയിച്ചു. ദുബയ് മെട്രോ മാതൃകയില്‍ ഡ്രൈവറില്ലാതെ ഓട്ടോമാറ്റിക് രീതിയിലുള്ളതാണ് ദോഹ മെട്രോയ്ക്കായി ഉപയോഗിക്കുന്നത്. ഓരോ ട്രെയിനിനും മൂന്ന് ബോഗികളാണുണ്ടാവുക.

ജര്‍മന്‍ രൂപകല്‍പ്പനയില്‍ ജപ്പാനിലെ കിങ്കി ഷരിയോ കമ്പനിയാണ് ട്രെയിനുകള്‍ നിര്‍മിച്ചിരിക്കുന്നത്. ഖത്തറിന്റെ സാംസ്‌കാരിക തനിമകള്‍ ഓള്‍ക്കൊള്ളുന്നതാണ് ട്രെയിന്‍ ഡിസൈനെന്ന് നിര്‍മാതാക്കള്‍ പറഞ്ഞു. അറേബ്യന്‍ കുതിരയുടെ മാതൃകയിലുള്ള ട്രെയിനിന്റെ മുന്‍ഭാഗത്തിന്റെ മാതൃക അമീര്‍ ശെയ്ഖ് തമീം തന്നെയാണ് തെരഞ്ഞെടുത്തത്.

2022ലെ ലോകകപ്പ് ഫുട്ബോള്‍ മാമാങ്കത്തിനു മുന്നോടിയായി ഖത്തര്‍ നടപ്പാക്കുന്ന സ്വപ്നപദ്ധതികളിലൊന്നാണ് പ്രധാന നഗരകേന്ദ്രങ്ങളെ ബന്ധിപ്പിക്കുന്ന ദോഹ മെട്രോ. ഏതാനും അറബ് രാജ്യങ്ങള്‍ ഖത്തറിനെതിരേ നടപ്പാക്കിയ ഉപരോധത്തിനിടയിലും നിര്‍മാണ പ്രവൃത്തികള്‍ക്ക് യാതൊരു കുറവുമില്ല.

മൂന്ന് ലൈനുകളിലായിട്ടാണ് ദോഹ മെട്രോ ആദ്യഘട്ടത്തിന്റെ നിര്‍മാണം നടക്കുന്നത്. ഇതില്‍ ലുസൈല്‍- അല്‍വക്റ പാതയിലെ അല്‍ഖസ്സര്‍, ദോഹ ജദീദ്, ഇക്കണോമിക് സോണ്‍ എന്നീ മൂന്ന് സ്റ്റേഷനുകളിലാണ് ദോഹ മെട്രോ ആദ്യ പരീക്ഷണ ഓട്ടം നടത്തുക. ഈ വര്‍ഷാവസാനത്തോടെ ഈ മൂന്ന് സ്റ്റേഷനുകള്‍ പ്രവര്‍ത്തനസജ്ജമാക്കി പരീക്ഷണ ഓട്ടം നടത്താനാണ് തീരുമാനം.

English summary
The first four trains that will run on the Doha Metro arrived in Qatar on Tuesday, in what is a landmark moment for the infrastructure project. After a three-week journey by sea from Kobe in Japan, the new carriages were welcomed by officials into Hamad Port last night, Qatar Rail said
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more