Click it and Unblock the Notifications
Just In
Don't Miss
-
വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വെള്ളത്തില് ഇട്ടുവെക്കാതെ മാങ്ങ കഴിച്ചാല് എന്താണ് പ്രശ്നം, ഇങ്ങനെ പറയാനുള്ള കാരണമെന്ത്? -
IPL 2024: ഇനി ആറു മല്സരം, പ്ലേഓഫ് കളിക്കാന് മുംബൈ എന്തു ചെയ്യണം? -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ലോകത്തെ ആദ്യ സ്മാര്‍ട്ട് പോലീസ് സര്‍വീസ് സെന്റര്‍ ദുബായിയില്‍
ലോകത്തെ ആദ്യ സ്മാര്‍ട്ട് പോലീസ് സര്‍വീസ് സെന്റര്‍ ദുബായിയില്‍
ദുബായി: പോലീസുകാരുടെ സഹായമില്ലാതെ സ്വന്തമായി പ്രവര്‍ത്തിക്കുന്ന ലോകത്തിലെ ആദ്യ സ്മാര്‍ട്ട് പോലിസ് സര്‍വീസ് സെന്റര്‍ ദുബയില്‍ പ്രവര്‍ത്തനകം തുടങ്ങി. പോലിസ് സേവനങ്ങള്‍ എളുപ്പത്തില്‍ ജനങ്ങള്‍ക്ക് ലഭ്യമാക്കുകയെന്ന ലക്ഷ്യത്തോടെയാണ് ഇത് സ്ഥാപിച്ചിരിക്കുന്നത്. സ്മാര്‍ട്ട് സര്‍വീസ് സെന്ററിന്റെ ഉദ്ഘാടനം ദുബയ് ഭരണാധികാരിയും യുഎഇ വൈസ് പ്രസിഡന്റും പ്രധാനമന്ത്രിയുമായ ശെയ്ഖ് മുഹമ്മദ് ബിന്‍ റാശിദ് അല്‍ മക്തൂം നിര്‍വഹിച്ചു.
മനുഷ്യരുടെ ഇടപെടലുകളില്ലാതെ സ്വന്തമായി പ്രവര്‍ത്തിക്കുന്ന സംവിധാനമാണിത്. കുറ്റകൃത്യങ്ങള്‍ റിപ്പോര്‍ട്ട് ചെയ്യുക, ട്രാഫിക് അപകടങ്ങള്‍ റിപ്പോര്‍ട്ട് ചെയ്യുക, സാമൂഹിക സേവനങ്ങള്‍ ലഭ്യമാക്കുക തുടങ്ങിയ കാര്യങ്ങളുള്‍പ്പെടെ 27 പ്രധാന സേവനങ്ങള്‍ ഇവിടെ നിന്ന് ലഭിക്കും. അതിനു പുറമെ 33 ചെറു സേവനങ്ങളും ഇവിടെ കിട്ടും. മുഴുവന്‍ സമയവും പ്രവര്‍ത്തിക്കുന്ന ഈ സ്മാര്‍ട്ട് പോലിസ് സര്‍വീസ് സെന്റര്‍ ജനങ്ങളുടെ സമയം ലാഭിക്കുന്നതോടൊപ്പം പോലിസ് സേവനങ്ങള്‍ എളുപ്പത്തില്‍ ലഭ്യമാക്കുവാനും ഉപകരിക്കും. പോലിസ് സ്‌റ്റേഷന്‍ അന്വേഷിച്ചു ചെല്ലാതെ ഈ സര്‍വീസ് സെന്ററുകളില്‍ ചെന്ന് പോലിസ് സേവനങ്ങള്‍ ലഭ്യമാക്കാമെന്നതാണ് ഇതിന്റെ സവിശേഷത.
ഇത്തരം സെന്ററുകള്‍ ദുബായിയുടെ റസിഡന്‍ഷ്യല്‍ ഏരിയകളും കച്ചവട കേന്ദ്രങ്ങളും അടക്കമുള്ള പ്രദേശങ്ങളില്‍ സ്ഥാപിക്കാന്‍ ശെയ്ഖ് മുഹമ്മദ് നിര്‍ദേശം നല്‍കി. അത് ജനങ്ങള്‍ക്ക് എളുപ്പത്തിലും വേഗത്തിലും പോലിസ് സേവനങ്ങള്‍ ലഭ്യമാക്കാന്‍ സഹായകമാവുമെന്നും അദ്ദേഹം പറഞ്ഞു.
പൊതുജനങ്ങള്‍ക്ക് മികച്ച സേവനം ലഭ്യമാക്കുന്നതിന് ദുബയ് പോലിസ് നടത്തുന്ന ഭാവനാപൂര്‍ണമായ ശ്രമങ്ങളെ ശെയ്ഖ് മുഹമ്മദ് അഭിനന്ദിച്ചു. ചടങ്ങില്‍ പോലിസ്-പൊതുസുരക്ഷാ ഡെപ്യൂട്ടി ചെയര്‍മാന്‍ ലഫ്. ജനറല്‍ ദഹി ഖല്‍ഫാന്‍, ദുബായ് പോലിസ് കമാന്റര്‍ ഇന്‍ ചീഫ് മേജര്‍ ജനറല്‍ അബ്ദുല്ല ഖലീഫ അര്‍ മര്‍രി, മറ്റ് ഉന്നത പോലിസ് ഉദ്യോഗസ്ഥര്‍ തുടങ്ങിയവര്‍ സന്നിഹിതരായിരുന്നു.
