അറബ് ലോകത്തെ പ്രമുഖ വ്യവസായികളുടെ പട്ടികയില് എംഎ യൂസഫലി രണ്ടാം സ്ഥാനത്ത്
ദുബായ്: അറബ് ലോകത്തെ പ്രമുഖ 100 ഇന്ത്യന് വ്യവസായികളുടെ പട്ടികയില് രണ്ടാമത് മലയാളിയും ലുലു ഗ്രൂപ്പ് ഇന്റര്നാഷണല് മാനേജിംഗ് ഡയറക്ടറുമായ എംഎ യൂസഫലി രണ്ടാമതെത്തി. ഫോബ്സ് മാഗസിന് പുറത്ത് വിട്ട പട്ടികയിലാണ് യൂസഫലി രണ്ടാം സ്ഥാനത്ത് എത്തിയത്. ആദ്യ പത്തു പേരില് ആറും മലയാളികളാണ് എന്നതാണ് മറ്റൊരു പ്രത്യേകത. സ്റ്റാലിയന് ഗ്രൂപ്പ് ചെയര്മാന് സുനില് വസ് വാനിയാണ് പട്ടികയില് ഒന്നാം സ്ഥാനക്കാരന്.
ഫോബ്സിന്റെ അതിസമ്പന്നരുടെ പട്ടികയില് 6 മലയാളികള്
മിഡില് ഈസ്റ്റിലെ ഒന്നാമന് യൂസഫലി തന്നെ... നിരവധിപേര് വേറേയും
മലയാളി വ്യവസായികളില് ഒന്നാം സ്ഥാനവും എംഎ യൂസഫലിയ്ക്ക് തന്നെ. ഇന്ത്യന് വ്യവസായികളെ കൂടാതെ എക്സിക്യൂട്ടീവ് മാനേജ്മെന്റ് തലത്തിലുള്ള 50 മികച്ച ഇന്ത്യന് ഉദ്യോഗസ്ഥരുടെ പട്ടികയും ഫോബ്സ് പുറത്ത് വിട്ടിട്ടുണ്ട്. ലാന്ഡ് മാര്ക്ക് ഗ്രൂപ്പ് ചെയര്മാന് മുകേഷ് ജഗ്തിയാനിയാണ് ഇന്ത്യക്കാരില് മൂന്നാമന്.
ലണ്ടനിലെ ദ ഗ്രേറ്റ് സ്കോട്ലന്ഡ് യാര്ഡ് ഹോട്ടല് ഇനി മലയാളിക്ക് സ്വന്തം!!!
മലയാളികളായ കോടീശ്വരന്മാര്, ഒന്നാമന് യൂസഫലി...ബാക്കിയാര്?
ന്യൂമെഡിക്കല് സെന്റര്, യുഎഇ എക്സേഞ്ച് എന്നിവയുടെ സ്ഥാപകന് ബി ആര് ഷെട്ടി നാലാമതും ഗ്ളോബല് എഡ്യൂക്കേഷന് മാനേജ്മെന്റ് സിസ്റ്റംസ് (ജെംസ്) ചെയര്മാന് സണ്ണി വര്ക്കി അഞ്ചാം സ്ഥാനത്തുമാണ്. ശോഭാ ഗ്രൂപ്പ് ചെയര്ാന് പിഎന്സി മേനോന് (ആറ്), ഡിഎം ഗ്രൂപ്പ് ചെയര്മാന് ഡോ ആസാദ് മൂപ്പന് (ഏഴ്), ഡോഡ്സില് ഗ്രൂപ്പ് ചെയര്മാന് രാജന് കിലാചന്ദ് (എട്ട്), ആര് പി ഗ്രൂപ്പ് ചെയര്മാനും മാനേജിംഗ് ഡയറക്ടറുമായ രവി പിള്ള (ഒന്പത് ), വിപിഎസ് ഹെല്ത്ത് കെയര് മാനേജിംഗ് ഡയറക്ടര് ഷംഷീര് വയലില് (പത്ത് ) എന്നിവരാണ് ആദ്യ പത്തിലുള്ളത്. ഇവരെക്കൂടാതെ സിദ്ദീഖ് അഹമ്മദ്, തുംബൈ മൊയ്തീന്, ജോയ് ആലൂക്കാസ്, അദീബ് അഹമ്മദ്, കെ പി ബഷീര്, ദിലീപ് രാഹുലന് എന്നിവരും പട്ടികയില് ഇടം നേടിയിട്ടുണ്ട്.