ഷെയ്ഖ് സായിദ് ഇയർ ആഘോഷം: ഷാർജയിൽ ആയിരം പേർക്ക് സൗജന്യ വൈദ്യ-ദന്ത പരിശോധന
ഷാർജ: ഷെയ്ഖ് സായിദ് ഇയർ ആഘോഷങ്ങളോടനുബന്ധിച്ചു ഷാർജയിലെ അൽ ലുലു മെഡിക്കൽ സെന്റർ ആയിരം പേർക്ക് സൗജന്യ വൈദ്യ-ദന്ത പരിശോധന പ്രഖ്യാപിച്ചു. ദന്ത പരിശോധനക്ക് ആർക്കും ഇവരെ സമീപിക്കാം എന്നാൽ ഓർത്തോഡോന്റിക് പരിശോധന 13 വയസിനു മുകളിലുള്ളവർക്ക് മാത്രമാകും ലഭിക്കുക. ബ്ലഡ് പ്രഷർ, ഷുഗർ എന്നിവയും പരിശോധിച്ച് നൽകും. മൂന്നു മാസക്കാലമാണ് സൗജന്യ പരിശോധനയുണ്ടാവുക.
താല്പര്യമുള്ളവർ ജൂൺ 10 നു മുമ്പായി 06-5646252 എന്ന നമ്പറിൽ വിളിച്ചു രെജിസ്റ്റർ ചെയ്യണം. അല്ലാത്തവർക്ക് [email protected] എന്ന ഇമെയിൽ വഴിയും ബന്ധപ്പെടാം. "മൂന്നു മാസം കൊണ്ട് ആയിരം പേർക്ക് ഇതിന്റെ ഗുണം ലഭ്യമാക്കാനാണ് ഞങ്ങൾ ഉദ്ദേശിക്കുന്നത്. സ്നേഹാദര പൂർവ്വം സായിദ് ഇയർ ആഘോഷത്തിൽ പങ്കുചേരുന്നതിന്റെ ഭാഗമായാണ് പൊതുജനത്തിന് ഉപകാരമായ ഇത്തരമൊരു പരിപാടിക്ക് രൂപം നൽകിയതെന്ന് മെഡിക്കൽ സെന്റര് ഡയറക്ടർ ഡോക്ടർ സറീന മൂർക്കൻ പറഞ്ഞു.