മൃതദേഹത്തോട് പോലും കരുണയില്ലാതെ... എയർ ഇന്ത്യ, നിയമ നടപടിക്കൊരുങ്ങി ഗ്ലോബൽ പ്രവാസി
ഷാർജ: ഇന്ത്യൻ സമ്പദ്ഘടനയുടെ നെടും തൂണായി പ്രവർത്തിക്കുന്ന പ്രവാസികളെ അവഹേളിക്കുന്ന നടപടികളാണ് എയർ ഇന്ത്യയുടെ ഭാഗത്ത് നിന്നും നിരന്തരം നേരിട്ട് കൊണ്ടിരിക്കുന്നതെന്ന് ഗ്ലോബൽ പ്രവാസി അസോസിയേഷൻ വാർത്താകുറിപ്പിൽ അറിയിച്ചു.
പ്രവാസികളുടെ മ്യതദേഹത്തോട് പോലും അനാദരവ് കാണിക്കുന്ന എയർ ഇന്ത്യയുടെ നടപടികൾക്കെതിരെ ശക്തമായ സമര പരിപാടികൾക്കാണ് അസോസിയേഷൻ മുന്നിട്ടിറങ്ങിയിരിക്കുന്നത്.
വിദേശത്ത് മരിക്കുന്ന പ്രവാസികളുടെ മ്യതശരീരം നാട്ടിലേക്ക് കൊണ്ട് പോകുന്നതിനുള്ള ചാർജ് വർദ്ധനവിലൂടെ എയർ ഇന്ത്യയുടെ മനുഷ്യത്വ രഹിതമായ പ്രവർത്തികളാണ് തുറന്നു കാണപ്പെട്ടിരിക്കുന്നതെന്നും ഈ നടപടിക്കെതിരെ കേരള ഹൈക്കോടതിയിൽ റിട്ട് പെറ്റീഷൻ ഉടൻ സമർപ്പിക്കുമെന്നും ഗ്ലോബൽ പ്രവാസി അസോസിയേഷൻ പ്രസിഡൻറ് സലാം പാപ്പിനിശ്ശേരി, സെക്യട്ടറി അഡ്വ ബെന്നി അബ്രഹാം അംഗങ്ങളായ അഡ്വ അഹമ്മദ് റിഫായി, അഡ്വ ലിഷ്മ എന്നിവർ അറിയിച്ചു
ലിംഗസമത്വത്തിന്റെ പേരിൽ ആചാരാനുഷ്ഠാനങ്ങൾ അട്ടിമറിക്കരുത്; വിധിക്കെതിരെ പോരാടാൻ പ്രമുഖ നടി