Click it and Unblock the Notifications
Just In
Don't Miss
-
ഞാന് ഗെയിം കളിക്കുന്നില്ലേ? സിജോയോട ജാസ്മിന്; നാണം കെടുത്തി ബിഗ് ബോസും കൂകി വിളിച്ച് വീട്ടുകാരും -
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര് -
വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ് -
സ്ത്രീകൾക്ക് സാമ്പത്തിക സുരക്ഷിതത്വം ഉറപ്പാക്കാൻ 4 പോസ്‌റ്റ് ഓഫീസ് പദ്ധതികൾ -
കാപ്പി കുടിച്ചാല് മുടി കൊഴിയുമോ, കഫീന് മുടിയില് പുരട്ടിയാല് മുടി വളരുമോ? -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
ഇന്ത്യാ യുഎഇ ബിടുബി പോര്‍ട്ടലിനു തുടക്കമായി
അബുദാബി: യുഎഇ ല്‍ നിക്ഷേപം നടത്താന്‍ ആഗ്രഹിക്കുന്ന ഇന്ത്യക്കാര്‍ക്കും തിരിച്ച് ഇന്ത്യയില്‍ നിക്ഷേപം നടത്താന്‍ ആഗ്രഹിക്കുന്ന യുഎഇ ബിസിനസ്സുകാര്‍ക്കും ഏറെ പ്രയോജനം ലഭിക്കുന്ന ബിടുബി ബിസിനസ്സ് പോര്‍ട്ടല്‍ പ്രവര്‍ത്തനം തുടങ്ങി. യുഎഇ ലെ പ്രമുഖ സാമ്പത്തീക ഉപദേശക സ്ഥാപനമായ ഐബിഎംസി ഫിനാന്‍ഷ്യല്‍ പ്രൊഫഷനല്‍ ഗ്രൂപ്പൂം, ഖാലിദ് അല്‍ ഹാമദ് ഗ്രൂപ്പും സംയുക്തമായാണ് പോര്‍ട്ടല്‍ ആരംഭിച്ചിരിക്കുന്നത്.
അബുദാബി അല്‍ ബതീന്‍ ഹൗസ് മജ്‌ലിസില്‍ നടന്ന പ്രത്യേക ചടങ്ങില്‍ ഖാലിദ് അല്‍ ഹാമദ് ഗ്രൂപ്പ് ചെയര്‍മാന്‍ ഷെയ്ഖ് ഖാലിദ് ബിന്‍ അഹമ്മദ് അല്‍ ഹാമദും സജിത്കുമാറും സംയുക്തമായാണ് പോര്‍ട്ടല്‍ പ്രവര്‍ത്തനോദ്ഘാടനം നിര്‍വ്വഹിച്ചത്. ഇരു രാജ്യങ്ങളിലുമുള്ള നിക്ഷേപ വാണിജ്യ വ്യവസായ അവസരങ്ങളെ കുറിച്ച് മനസ്സിലാക്കാനും വിശകലനം ചെയ്യാനും നിയമ സഹായങ്ങള്‍ തേടാനും പോര്‍ട്ടല്‍ സഹായകരമായിരിക്കുമെന്ന് ഐബിഎംസി ഗ്രൂപ്പ് മാനേജിംഗ് ഡയറക്ടറും സിഇഒയുമായ പി.കെ സജിത്കുമാര്‍ വ്യക്തമാക്കി.
സംരഭങ്ങള്‍ ആരംഭിക്കുന്നതിനു മുന്‍പു തന്നെ ഇരു രാജ്യങ്ങളിലുമുള്ള നിയമങ്ങളെ കുറിച്ച് വേണ്ടത്ര പഠനങ്ങള്‍ നടത്താത്തതാണ് പലരെയും ബിസിനസ്സ് പരാജയങ്ങലേക്ക് കൊണ്ടെത്തിക്കുന്നതെന്നും എന്നാല്‍ ഇത്തരം സേവനങ്ങള്‍ ക്രത്യമായി ബിസിനസ്സ് സംരഭകരില്‍ എത്തിക്കുകയാണ് പോര്‍ട്ടലിലൂടെ ലക്ഷ്യമിടുന്നതെന്നും സജിത്കുമാര്‍ അഭിപ്രായപ്പെട്ടു. അതിവേഗം വളര്‍ന്ന് കൊണ്ടിരിക്കുന്ന യുഎഇ ലേക്ക് പുതിയ നിക്ഷേപങ്ങള്‍ എത്തിക്കുവാന്‍ പോര്‍ട്ടല്‍ കാരണമാകുമെന്ന് പ്രതീക്ഷിക്കുന്നതായി ഷെയ്ഖ് ഖാലിദ് ബിന്‍ അഹമ്മദ് അല്‍ ഹാമദ് അഭിപ്രായപ്പെട്ടു.
പോര്‍ട്ടലില്‍ രെജിസ്റ്റര്‍ ചെയ്യുന്ന കമ്പനികള്‍ക്ക് യുഎഇ ലും ഇന്ത്യയിലും ആരംഭിക്കുവാന്‍ പോകുന്നതും നടന്നു കൊണ്ടിരിക്കുന്നതുമായ വന്‍കിട പദ്ധതികളെ കുറിച്ചുള്ള വിശദമായ കാര്യങ്ങള്‍ ലഭ്യമാകും. എക്‌സപോ 2020, മെയ്ക്ക് ഇന്‍ ഇന്ത്യാ തുടങ്ങിയ പദ്ധതികള്‍ നിക്ഷേപകര്‍ക്കുള്ള ഏറ്റവും നല്ല അവസരമായിരിക്കുമെന്നും ബിസിനസ്സ് കൂടുതല്‍ വിപുലപ്പെടുത്താന്‍ ആഗ്രഹിക്കുന്നവര്‍ പോര്‍ട്ടലില്‍ രെജിസ്റ്റര്‍ ചെയ്യുന്നത് ബിസിനസ്സില്‍ കൂടുതല്‍ പ്രയോജനപ്പെടുമെന്നും ബന്ധപ്പെട്ടവര്‍ അറിയിച്ചു. അബുദാബിയില്‍ നടന്ന ചടങ്ങില്‍ പി.എസ്.അനൂപ്, അഡ്വ. ബിനോയ് ശശി, രവി അമ്പാട്ട്, മോണിക്ക അഗര്‍വാള്‍, ശശികുമാര്‍, അനസൂയ, ജിത തുടങ്ങിയവരും ഖാലിദ് അല്‍ ഹാമദ് ഗ്രൂപ്പിലെ ഉന്നത ഉദ്യോഗസ്ഥരും പങ്കെടുത്തു.
