Click it and Unblock the Notifications
Just In
Don't Miss
-
ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ -
IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും? -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം -
കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
സൗദി 'സ്ത്രീകള്‍' ഇന്ത്യക്കാരിയായ വീട്ടുജോലിക്കാരിയുടെ കൈ വെട്ടിമാറ്റി
റിയാദ്: സൗദി അറേബ്യയില്‍ ജോലി തേടിയെത്തിയ തമിഴ്‌നാട് സ്വദേശിയുടെ കൈ വെട്ടി മാറ്റി. വീട്ടുജോലിക്കാരിയുടെ വീസയില്‍ രാജ്യത്തെത്തിയ സ്ത്രീയാണ് കൊടിയ പീഡനങ്ങള്‍ ഏറ്റ് വാങ്ങിജീവിതം തള്ളിനീക്കുന്നത്. തമിഴ്‌നാട് നോര്‍ത്ത് ആര്‍ക്കാട് ജില്ലയിലെ കട്പാടിയ്ക്കടുത്ത് മൂങ്കിലേരി സ്വദേശിനിയായ കസ്തൂരി മുനിരത്‌നം (55) ആണ് വലത് കൈ നഷ്ടപ്പെട്ട നിലയിലും ശരീരത്തിന് ഗുരുതരമായി പരിക്കേറ്റ നിലയിലും റിയാദിനെ കിങ്ഡം ആശുപത്രിയില്‍ പ്രവേശിപ്പിച്ചത്.
രണ്ട് മാസം മുമ്പാണ് കസ്തൂരി സൗദിയില്‍ എത്തുന്നത്. റിയാദിലെ സ്ത്രീകള്‍ മാത്രം താമസിയ്ക്കുന്ന ഒരു വീട്ടിലാണ് ഇവരെ ജോലിയ്ക്കാക്കിയത്. കടുത്ത പീഡനവും ജോലിഭാരവും കാരണം ഇവര്‍ ആകെ ദുരിതത്തിലായിരുന്നു. നാട്ടിലേയ്ക്ക് ഫോണ്‍ ചെയ്യാന്‍ പോലും സ്ത്രീകള്‍ ഇവരെ അനുവദിച്ചിരുന്നില്ല.
ഒരു ദിവസം വീടിന് പുറത്ത് കണ്ട തമിഴ്‌നാട് സ്വദേശിയോട് തന്റെ കഷ്ടപ്പാടുകള്‍ സ്ത്രീ വിവരിച്ചു. ഇത് കണ്ട സൗദി വനിത കസ്തൂരിയെ മുറയിലടച്ചു. തുടര്‍ന്ന് കൊടിയ മര്‍ദ്ദനമായിരുന്നു. ജനാലയില്‍ തുണികെട്ടി രക്ഷപ്പെട്ട് താഴെയിറങ്ങിയ കസ്തൂരിയെ കത്തിയുമായി ചാടിവീണ ആരോ ആക്രമിച്ച് കൈ വെട്ടിമാറ്റി. അബോധാവസ്ഥയിലായ ഇവര്‍ക്ക് പിന്നീട് നടന്നതൊന്നും ഓര്‍മ്മയില്ല.
ഇന്ത്യന്‍ സോഷ്യല്‍ ഫോറം തമിഴ്‌നാട് ഘടകം ഭാരവാഹി റാഷിദ് ഖാന്‍ ആണ് സ്ത്രീയ്ക്ക് വേണ്ട സഹായങ്ങള്‍ ചെയ്യുന്നത്. ഇന്ത്യന്‍ എംബസി ഉദ്യോഗസ്ഥരും കസ്തൂരിയെ സന്ദര്‍ശിച്ചു. സംഭവത്തെക്കുറിച്ച് ഹൈ അല്‍സാഫ പൊലീസ് ഊര്‍ജ്ജിതമായ അന്വേഷണം ആരംഭിച്ചു.
മാറാരോഗിയായ ഭര്‍ത്താവ് മുനിരത്‌നവും മൂന്ന് പെണ്‍മക്കളും ഒരു ആണ്‍കുട്ടിയും അടങ്ങുന്നതാണ് ഇവരുടെ കുടുബം. കുടുംബത്തിന്റെ നിത്യ ചെലവിനുള്ള പണം കണ്ടെത്താനാണ് പ്രായധിക്യം പോലും കണക്കിലെടുക്കാതെ കസ്തൂരി സൗദി അറേബ്യയിലേയ്ക്ക് എത്തിയത്.
വലതു കൈ നഷ്ടപ്പെട്ട ശരീരത്തിലേയ്ക്ക് നോക്കി കരയുകയാണ് കസ്തൂരി. ആശുപത്രിയിലെ കമാല്‍ എന്ന തമിഴ്‌നാട് സ്വദേശിയും ഇടുക്കി സ്വദേശിനിയായ ജിസ എന്ന നഴ്‌സും എല്ലാ സഹായങ്ങളും നല്‍കി കസ്തൂരിയ്‌ക്കൊപ്പമുണ്ട്.
