സൗദിയില് ജോലിക്കായി എത്തുന്ന ഇന്ത്യക്കാര്ക്ക് സൗജന്യ സിം കാര്ഡ്
ബെംഗളൂരു: സൗദിയില് ജോലിക്കായി എത്തുന്ന ഇന്ത്യക്കാര്ക്ക് സൗജന്യ സിം കാര്ഡുകള് നല്കുമെന്ന് ഇന്ത്യന് പ്രതിനിധി ബിഎസ് മുബാറക് അറിയിച്ചു.
തൊഴിലാളികളുടെ ക്ഷേമത്തിനും അവകാശങ്ങള്ക്കും വേണ്ടിയാണ് സൗദി തൊഴില് മന്ത്രാലയം പുതിയ പദ്ധതി കൊണ്ടു വരുന്നത്. സൗദി ടെലികമ്മ്യൂണിക്കേഷന് കമ്പനിയുടെ നേത്യത്വത്തില് എയര്പോര്ട്ടില് വന്നിറങ്ങുന്ന അന്നേ ദിവസം തന്നെ ജോലിക്കാര്ക്ക് സിം കാര്ഡുകള് കൈമാറും.
സൗദിയില് എത്തുന്ന ജോലിക്കാര്ക്ക് എത്രയും വേഗത്തില് പ്രിയപ്പെട്ടവരുമായി ബന്ധപ്പെടുന്നതിനും തൊഴില് ആവശ്യങ്ങള്ക്കും സിം കാര്ഡുകള് പ്രയോജനപ്പെടുമെന്നും അധികൃതര് പറഞ്ഞു.തൊഴില്പരമായ പരാതികള് സൗദി തൊഴില് മന്ത്രായലത്തെ അറിയിക്കുന്നതിനും ഇത് വഴി സാധിക്കും.
വര്ഷത്തില് നൂറുക്കണക്കിന് ആളുകളാണ് തൊഴില് തേടി അറബ് രാജ്യങ്ങളില് എത്തുന്നത്. നിലവില് 2.8 മില്ല്യണ് ഇന്ത്യക്കാരണ് സൗദി അറേബ്യയില് ജോലി ചെയ്യുന്നത്.