Click it and Unblock the Notifications
Just In
Don't Miss
-
ദൃശ്യത്തിലൂടെ ലൈഫ് മാറിയ 'സെലിബ്രിറ്റി വക്കീൽ', ഇനിയുള്ള യാത്രകൾ 40 ലക്ഷത്തിന്റെ ഇന്നോവയിൽ -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
IPL 2024: ഇംപാക്ട് പ്ലെയര് ബൗളര്മാരെ ദുര്ബലരാക്കുന്നു; ബാറ്റിംഗിനെ സഹായിക്കുന്നുവെന്ന് ബുംറ -
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ഒട്ടകയോട്ട മല്‍സരത്തോടെ സൗദി ജനാദ്രിയ ഉല്‍സവത്തിന് പ്രൌഢോജ്വല തുടക്കം
റിയാദ്: സൗദി നാഷണല്‍ ഗാര്‍ഡ് സംഘടിപ്പിക്കുന്ന 32-ാമത് ദേശീയ പൈതൃകോത്സവത്തിനു പുരാതന അറബ് സംസ്‌കൃതിയുടെ അടയാള ചിഹ്നമായ ഒട്ടകയോട്ടത്തോടെ തുടക്കമായി. ഇന്ത്യ വിശിഷ്ടാതിഥിയായി പങ്കടുക്കുന്ന മേളയില്‍ ഇന്ത്യ-സൗദി ബന്ധത്തെയും സംസ്‌കാരിക വിനിമയങ്ങളെയും അനുസ്മരിപ്പിക്കുന്ന കാഴ്ചകളാണെവിടെയും.
സൗദി ഭരണാധികാരി സല്‍മാന്‍ ബിന്‍ അബ്ദുല്‍ അസീസ് രാജാവാണു സൗദിയുടെ സുപ്രധാന ദേശീയ ഉല്‍സവങ്ങളിലൊന്നായ ജനാദ്രിയ ഫെസ്റ്റിവല്‍ ഉദ്ഘാടനം ചെയ്തത്. ഇന്ത്യന്‍ വിദേശ കാര്യ മന്ത്രി സുഷമ സ്വരാജ് ചടങ്ങിലെ മുഖ്യാതിഥിയായി. കുവൈത്ത്, ഒമാന്‍, ബഹ്‌റൈന്‍ തുടങ്ങിയ രാജ്യങ്ങളില്‍ നിന്നുള്ള പ്രതിനിധികളും ഉദ്ഘാടനച്ചടങ്ങില്‍ സന്നിഹിതരായി.
ഒട്ടകയോട്ട മത്സരത്തെ തുടര്‍ന്ന് ബദര്‍ അല്‍ മുഹ്സിന്‍ രാജകുമാരന്‍ സംഘടിപ്പിച്ച ഓപ്പറേറ്റ സംഗീത പരിപാടി ആസ്വാദകര്‍ക്ക് വിരുന്നായി. ഇന്ത്യയുടേയും സൗദിയുടെയും വിവിധ കലാ സാംസ്‌കാരിക തനിമകള്‍ വിളിച്ചോതുന്ന വിവിധ കലാപരിപാടികള്‍ വേദിയില്‍ അരങ്ങേറി. വിവിധ മേഖലകളിലെ സേവനത്തിന് അവാര്‍ഡിന് അര്‍ഹരായവര്‍ക്കുള്ള സമ്മാനങ്ങള്‍ ചടങ്ങില്‍ വിതരണം ചെയ്തു. അതോടൊപ്പം ഒട്ടകയോട്ട മല്‍സരത്തിലെ വിജയികള്‍ക്കുള്ള സമ്മാനവും സല്‍മാന്‍ രാജാവ് വിതരണം ചെയ്തു.
റിയാദ് ഇന്റര്‍നാഷണല്‍ സ്‌കൂള്‍ വിദ്യാര്‍ത്ഥികള്‍ അവതരിപ്പിച്ച ഇന്ത്യന്‍ കലാസമന്വയ പരിപാടികള്‍ സദസ്സിന്റെ നീണ്ട കൈയടികള്‍ നേടി. ഉദ്ഘാടനച്ചടങ്ങില്‍ തിരഞ്ഞെടുത്ത വ്യക്തികള്‍ക്ക് മാത്രമേ പ്രവേശനമുണ്ടായിരുന്നുള്ളൂ. പൊതുജനങ്ങള്‍ക്ക് വ്യാഴാഴ്ച മുതല്‍ പ്രവേശനം അനുവദിക്കും.
21 ദിവസം നീണ്ടുനില്‍ക്കുന്ന ജനാദ്രിയ ഉല്‍സവത്തിലെ ആദ്യ മൂന്ന് ദിവസങ്ങളില്‍ വൈകുന്നേരം നാലു മുതല്‍ 11 വരെയാണ് കേരളത്തിന്റെ കലാപ്രകടനങ്ങള്‍ വേദികളില്‍ അരങ്ങേറും. കേരളത്തില്‍ നിന്നുള്ള പ്രമുഖ കലാകാരന്‍മാരുടെ സംഘം വിവിധ കലാപരിപാടികളായ ഒപ്പന, ദഫ്മുട്ട്, കോല്‍കളി, വഞ്ചിപ്പാട്ട്, ചാക്യാര്‍കൂത്ത്, കഥകളി, യോഗ, വള്ളംകളി തുടങ്ങിയ പരിപാടികളാണ് അവതരിപ്പിക്കുക.
ഇന്ത്യയുടെ വിവിധ സംസ്ഥാനങ്ങളില്‍ നിന്നുള്ള കലാകാരന്‍മാരുടെ പ്രകടനങ്ങളും തുടര്‍ന്നുള്ള ദിവസങ്ങളില്‍ നടക്കും.
