ഗോള്ഡ് എഫ്എം പേ ഡേ ബിഎംഡബ്യു എക്സ്5 മുവാറ്റുപുഴ സ്വദേശിക്ക്
ദുബായ്: യുഎഇ ലെ പ്രമുഖ റേഡിയോ നിലയമായ ഗോള്ഡ് എഫ്എം ശ്രോതാക്കള്ക്കിടയില് നടത്തിയ പേ ഡേ സമ്മാന പദ്ധതിയിലെ ഗ്രാന്ഡ് സമ്മാനമായ ബിഎംഡബ്യു എക്സ്5 പ്രവാസി മലയാളിയായ മുവാറ്റുപുഴ സ്വദേശി ജിമ്മി ജോര്ജിനു ലഭിച്ചു. സണ് സെറ്റ് ഡൈവ് ഷോയിലാണ് വിജയിയായി ജിമ്മിയെ തെരഞ്ഞെടുത്തത്.
എട്ടു വര്ഷമായി യു എ ഇ യിലുള്ള ജിമ്മി ഒരു സ്വകാര്യ കമ്പനിയില് ബിസ്സിനസ്സ് ഡവലപ്പ്മെന്റ് സീനിയര് എക്സിക്യുട്ടിവ് ആയി ജോലി ചെയ്യുകയാണ്. യു എ ഇ യിലെ റേഡിയോ ചരിത്രത്തിലെ ഏറ്റവും ഉയര്ന്ന സമ്മാന തുകയാണ് പേ ഡേയിലൂടെ ഗോള്ഡ് എഫ് എം നല്കിയത്.
20 ലക്ഷം ദിര്ഹത്തിന്റെ സമ്മാനങ്ങളാണ് ഒരു മാസം നീണ്ടു നിന്ന സമ്മാന പദ്ധതിയിലൂടെ ഭാഗ്യശാലികള്ക്ക് ലഭിച്ചത്. യു എ ഇ യിലെ പ്രമുഖ ടെലികോം സേവനദാതാക്കളായ ഡുവുമായി സഹകരിച്ചാണ് പദ്ധതി.
ഒരു മാസം നീണ്ടു നിന്ന സമ്മാന പദ്ധതിയിലൂടെ എല്ലാ ദിവസവും ഐഫോണ് 6, എല്ലാ വ്യാഴാഴ്ചയും 90000 ദിര്ഹവും, ഗ്രാന്ഡ് സമ്മാനമായി ബിഎംഡബ്യു എക്സ് 5 കാര് എന്നിവയാണ് നല്കിയത്.