കരാട്ടെ ചാംപ്യൻഷിപ്പിൽ കിഡ് മാർഷ്യൽ ആർട്സിന് കിരീടം
ദുബായ് : ബുഡോക്കൻ രാജ്യാന്തര കരാട്ടെ ചാംപ്യൻഷിപ്പിൽ കരാട്ടെ കിഡ് മാർഷ്യൽ ആർട്സിന് ഒാവറോൾ കിരീടം. ശബാബ് അൽ അഹ് ലി ഇൻഡോർ സ്റ്റേഡിയത്തിൽ നടന്ന ചാംപ്യൻഷിപ്പിൽ ഇന്ത്യ ഉൾപ്പെടെ ഇരുപതോളം രാജ്യങ്ങളിൽ നിന്നായി 850 പേർ മത്സരിച്ചു. എട്ടു തത്താമികളായി വൈറ്റ് ബെലറ്റ് മുതൽ ബ്ലാക്ക് ബെൽറ്റ് വരെയുള്ള കുട്ടികൾ അടക്കമുള്ളവർ പങ്കെടുത്ത മത്സരമാണ് അരങ്ങേറിയത്.
ഒാറിയൻ്റൽ അബുദാബി ക്ലബിനാണ് രണ്ടാം സ്ഥാനം. ജനറൽ കൺവീനർ ഡോ.റെൻഷി രൻജിത് അധ്യക്ഷത വഹിച്ചു. ഷമീർ അൽ ബസ്താക്കി ഉദ്ഘാടനം ചെയ്തു. കത്ത, ജുമിത്തെ മത്സരങ്ങളിൽ ആൺകുട്ടികൾക്കും പെൺകുട്ടികൾക്കും പ്രത്യേക വേദികളായിരുന്നു.
യുഎഇയിലും ഇന്ത്യയിലും കരാട്ടെ പരിശീലകരായ പത്ത് അധ്യാപകർക്ക് ഇയർ ഒാഫ് ദ് സായിദ് പുരസ്കാരം ലഫ്.കേണൽ അഹമ്മദ് അൽ മുഹൈരി സമ്മാനിച്ചു. അബ്ദുല്ല ബനിയാസ് വിജയികൾക്കുള്ള ട്രോഫികൾ സമ്മാനിച്ചു. ഇഖ്ബാൽ സെൻസായി, സി.വി.ഉസ്മാൻ, ലൂയിസ് ടിറ്റോ, അക് ബർ സെൻസായി, ബഷീർ തൃശൂർ എന്നിവർ പ്രസംഗിച്ചു.