ഷാർജ പുസ്തകോത്സവം കെ എൻ എം, യുവത സ്റ്റാളുകൾ ഉദ്ഘാടനം ചെയ്തു
ഷാർജ: മുപ്പതാമത് ഷാർജ അന്താരാഷ്ട്ര പുസ്തകോത്സവത്തിൽ കെ എൻ എം, യുവത സ്റ്റാളുകൾ പുസ്തക മേളയുടെ വിദേശകാര്യ എക്സിക്യൂട്ടീവ് മോഹൻ കുമാർ ഉദ്ഘാടനം ചെയ്തു. മുസ്തഫ തൻവീർ എഴുതിയ ബീഫ് വിരോധത്തിൻ്റെ ജാതിയും മതവും എന്ന പുസ്തകത്തിൻ്റെ ആദ്യകോപ്പി പി.എ. ഇബ്രാഹിം ഹാജിക്ക് നൽകി മോഹൻ കുമാർ പ്രകാശനം നിർവഹിച്ചു. യു എ ഇ ഇന്ത്യൻ ഇസ്ലാഹി സെന്റർ പ്രസിഡണ്ട് എ.പി. അബ്ദുസമദ്, ഹാറൂൺ കക്കാട്, സകരിയ എന്നിവർ പങ്കെടുത്തു.
യുഎസ്എയില് വീണ്ടും വെടിവെപ്പ്, ഇത്തവണ വാള്മാര്ട്ട് മാളില്, നിർത്താതെ വെടിയുതിർത്തു...
ഇന്ത്യൻ പുസ്തകസ്റ്റാളുകളുള്ള ഹാൾ നമ്പർ ഏഴിൽ സെഡ് ബി നാല് അഞ്ച് സ്റ്റാളുകളിലാണ് കെ എൻ എം, യുവത സ്റ്റാളുകൾ. മുഹമ്മദ് അമാനി മൗലവി വിവർത്തനം ചെയ്ത വിശുദ്ധഖുർആൻ മലയാള പരിഭാഷയുടെ പുതുക്കിയ എട്ട് വാള്യങ്ങൾ പ്രത്യേക വിലകിഴിവിൽ സ്റ്റാളിൽ ലഭ്യമാണ്.
നാലാം ക്ലാസുമുതൽ മൃഗീയ പീഡനം... നാല് വർഷത്തോളം തുടർന്നു, കരുനാഗപ്പള്ളിയിൽ 4 പേർ അറസ്റ്റിൽ!
കൂടാതെ മലയാളത്തിലേക്ക് വിവർത്തനം ചെയ്ത ഇസ്ലാമിക ചരിത്ര ഗ്രന്ഥങ്ങൾ, കർമ്മ ശാസ്ത്ര ഗ്രന്ഥങ്ങൾ, മൂന്നു വാല്യത്തിലുള്ള ഹദീസ് സമാഹാരം തുടങ്ങി ഏറ്റവും പുതിയതും പഴയതുമായ നൂറുകണക്കിന് തലക്കെട്ടിലുള്ള പുസ്തകങ്ങൾ പ്രദർശനത്തിനും വില്പനക്കും ഒരുക്കിയിട്ടുടെന്നു ഇന്ത്യൻ ഇസ്ലാഹി സെന്റർ ഭാരവാഹികൾ അറിയിച്ചു. കൂടുതൽ വിവരങ്ങൾക്ക് ബന്ധപ്പെടേണ്ട നമ്പർ 0567559101.