ദുബായ്: ആറുവയസ്സുകാരനെ പീഡിപ്പിച്ച ലൈഫ് ഗാര്ഡ് അറസ്റ്റില്, ചുരുളഴിഞ്ഞത് ലൈംഗികാതിക്രമ കേസുകള്!!!
ദുബായിലെ അല് മുറാഖാബാദ് ഹോട്ടലിന് മുകളിലുള്ള സ്വിമ്മിംഗ് പൂളിന് സമീപത്തായിരുന്നു സംഭവം
ദുബായ്: ആറ് വയസ്സുകാരനെ ലൈംഗിക ചൂഷണത്തിനിരയാക്കിയ ലൈഫ് ഗാര്ഡ് അറസ്റ്റില്. ആളൊഴിഞ്ഞ മുറയിലെത്തിച്ച് ആറു വയസ്സുകാരനെ പീഡിപ്പിക്കുകയായിരുന്നു. ദുബായിലെ അല് മുറാഖാബാദ് ഹോട്ടലിന് മുകളിലുള്ള സ്വിമ്മിംഗ് പൂളിന് സമീപത്തായിരുന്നു സംഭവം. 21 കാരനായ പാകിസ്താനി യുവാവാണ് അറസ്റ്റിലായത്. ജൂലൈ 13 നായിരുന്നു സംഭവം.
ഹോട്ടലില് സ്ഥാപിച്ച സിസിടിവി ക്യാമറയിലെ ദൃശ്യങ്ങളാണ് പ്രതിയെ പിടികൂടാന് സഹായിച്ചത്. കുടുംബത്തിനൊപ്പം അവധിക്കാലം ചെവഴിക്കാനെത്തിയ ഫ്രഞ്ച് കുടുംബത്തിനൊപ്പമായിരുന്നു ആറ് വയസ്സുകാരന് എത്തിയത്. . സംഭവത്തെക്കുറിച്ച് മനസ്സിലാക്കിയ ഫ്രഞ്ച് വനിതയാണ് ദുബായ് പൊലീസിന്റെ ടൂറിസം വകുപ്പില് വിവരമറിയിച്ചത്. തന്റെ മകനെ ലൈംഗികമായി പീഡിപ്പിക്കാന് ശ്രമിച്ചുവെന്ന് കാണിച്ച് യുവതി പൊലീസിന് പരാതി നല്കി.
ഫ്രാന്സിലെത്തിയ ശേഷം ആറ് വയസ്സുകാരനെ ഫോറന്സിക് പരിശോധനയ്ക്ക് വിധേയനാക്കിയതിലൂടെ ലൈംഗിക പീഡനത്തിന് ഇരയായിട്ടുണ്ടെന്ന് തെളിഞ്ഞിരുന്നു. പരിക്കുകളും മറ്റും കുട്ടിയുടെ ശരീരത്തില് കണ്ടെത്തിയതായി പൊലീസും വ്യക്തമാക്കുന്നു.
സംഭവത്ത തുടര്ന്ന് ജൂലൈ 28ന് ലൈഫ് ഗാര്ഡിനെ പൊലീസ് അറസ്റ്റ് ചെയ്യുകയായിരുന്നു. തുടര്ന്ന് നടത്തിയ അന്വേഷണത്തില് യുവാവിന്റെ ഫോണില് നിന്ന് 58ഓളം അശ്ലീല വീഡിയോകള് ഡിലീറ്റ് ചെയ്തതായി കണ്ടെത്തിയിരുന്നു. കുട്ടികള്ക്കെതിരെയുള്ള ലൈംഗികാതിക്രമങ്ങളാണ് ഇയാള്ക്കെതിരെ ചുമത്തിയിട്ടുള്ളത്. കേസില് വാദം കേട്ട കോടതി നവംബര് 21ന് വിധി പറയും.