Click it and Unblock the Notifications
Just In
Don't Miss
-
ചാണക്യനീതി: അര്ത്ഥപൂര്ണമായ ജീവിതം, മരണശേഷവും കുടുംബം സന്തോഷത്തോടെ -
ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും -
IPL 2024: 8ല് 4ലും തോറ്റു, സിഎസ്കെയ്ക്ക് പ്ലേ ഓഫിലെത്താനാവുമോ? സാധ്യകള് ഇങ്ങനെ -
ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്ച്ചയായി മറുപടികള് -
ഫോൺ പൊട്ടിത്തെറിക്കുമോ എന്ന് പേടിയുണ്ടോ? പ്രഷർ കൂട്ടേണ്ട! ഇക്കാര്യങ്ങൾ ശ്രദ്ധിച്ചാൽ മതി -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
എണ്ണയ്ക്കു പിന്നാലെ യുഎഇയില്‍ പാചകവാതകത്തിനും വിലകൂടി
എണ്ണയ്ക്കു പിന്നാലെ യുഎഇയില്‍ പാചകവാതകത്തിനും വിലകൂടി
അബുദാബി: യുഎഇയില്‍ പാചകവാതക വില കുത്തനെ വര്‍ധിച്ചു. വ്യാഴാഴ്ച മുതലാണ് പുതിയ വില നിലവില്‍ വന്നത്. നേരത്തേ 73 ദിര്‍ഹം ഉണ്ടായിരുന്ന 11 കിലോ സിലിണ്ടറിന് 10 ദിര്‍ഹമാണ് കൂടിയത്. 22 കിലോ സിലിണ്ടറിന് 135 ദിര്‍ഹമാണ് പുതുക്കിയ വില. നേരത്തേ ഇത് 115 ദിര്‍ഹമായിരുന്നു. ഹോട്ടലുകളില്‍ ഉള്‍പ്പെടെ വ്യാപാര ആവശ്യങ്ങള്‍ക്കായി ഉപയോഗിക്കുന്ന 44 കിലോ സിലിണ്ടറിന് 245 ദിര്‍ഹമായിരുന്നത് 40 ദിര്‍ഹം വര്‍ധിച്ച് 285 ആയി. കഴിഞ്ഞ ഏതാനും മാസങ്ങളായി അന്താരാഷ്ട്ര കമ്പോളത്തില്‍ പാചകവാതകത്തിന്റെ വില ക്രമാതീതമായി കൂടിയതാണ് ഇത്തരമൊരു വിലവര്‍ധനവിന് തങ്ങളെ പ്രേരിപ്പിച്ചതെന്ന് യുഎഇയിലെ പ്രധാന ഗ്യാസ് വിതരണക്കാരായ എമിറേറ്റ്‌സ് ഗ്യാസ് വാര്‍ത്താ കുറിപ്പില്‍ വ്യക്തമാക്കി.
കഴിഞ്ഞയാഴ്ച എണ്ണ വില വര്‍ധിപ്പിച്ചതിനു പിന്നാലെയാണ് ഒക്ടോബര്‍ അഞ്ച് മുതല്‍ പാചകവാതകത്തിന് വില കൂട്ടിയിരിക്കുന്നത്. സപ്തംബര്‍ 29ന് പെട്രോളിന്റെയും ഡീസലിന്റെയും വില വര്‍ധിപ്പിച്ചതോടെ രണ്ട് വര്‍ഷത്തിലെ ഏറ്റവും ഉയര്‍ന്ന എണ്ണവിലയാണ് യുഎഇയില്‍ രേഖപ്പെടുത്തിയത്. ആഗോള മാര്‍ക്കറ്റിലെ വില വര്‍ധന പരിഗണിച്ച് അഞ്ച് ശതമാനം വര്‍ധനവാണ് പെട്രോള്‍, ഡീസല്‍ വിലയില്‍ ഊര്‍ജ മന്ത്രാലയം ഏര്‍പ്പെടുത്തിയത്. അതോടെ ലിറ്ററിന് 10 ഫില്‍സ് കൂടി. 2015 സപ്തംബറിന് ശേഷം എണ്ണയ്ക്ക് യു.എ.ഇയില്‍ ഇത്രയധികം വില കൂടുന്നത് ഇതാദ്യമായാണ്. ഒക്ടോബര്‍ ഒന്നു മുതലാണ് പുതിയ വില വര്‍ധന പ്രാബല്യത്തില്‍ വന്നത്.
പെട്രോള്‍ സൂപ്പര്‍ 98ന് ലിറ്ററിന് 2.01 ദിര്‍ഹമായിരുന്നത് 2.12 ആയി ഉയര്‍ന്നു. 5.47 ശതമാനത്തിന്റെ വര്‍ധനവാണുണ്ടായത്. സ്‌പെഷ്യല്‍ 95ന് ലിറ്ററിന് 1.90 ആയിരുന്നത് 5.79 ശതമാനം വര്‍ധിച്ച് 2.01 ആയി മാറി. ഇ പ്ലസ്-91ന്റെ വിലയില്‍ 6.01 ശതമാനത്തിന്റെ വര്‍ധനവാണുണ്ടായത്. 1.83 ആയിരുന്നത് 1.94 ദിര്‍ഹമായി വില വര്‍ധിച്ചു. ഡീസല്‍ വില രണ്ട് ദിര്‍ഹമില്‍ നിന്ന് 2.10 ആയി ഉയര്‍ന്നു. 2015 ആഗസ്തിലാണ് യു.എ.ഇയില്‍ ഇന്ധനവില കുത്തനെ കൂടിയത്. 20 ശതമാനത്തിനു മുകളിലായിരുന്നു അന്നത്തെ വര്‍ധന. എണ്ണ ഉല്‍പാദക രാജ്യങ്ങള്‍ കഴിഞ്ഞ എട്ടു മാസമായി എണ്ണയുല്‍പ്പാദനം പ്രതിദിനം 1.8 ദലക്ഷം ബാരല്‍ കണ്ട് കുറച്ചതാണ് വിലവര്‍ധനവിന് കാരണമായത്.
