കാണാതായ മലയാളി ദമ്പതികളുടെ മൃതദേഹം സൗദിയിലെ മരുഭൂമിയിൽ; ആരുമില്ലാത്ത സ്ഥലത്ത്... ദുരൂഹത...
സൗദിയിലെ ഹൈപ്പർമാർക്കറ്റിൽ ഡ്രൈവറായി ജോലി ചെയ്യുന്ന കുഞ്ഞബ്ദുള്ളയെ രണ്ട് ദിവസമായി കാണാത്തതിനെ തുടർന്ന് സൗദി പോലീസിൽ പരാതി നൽകിയിരുന്നു.
റിയാദ്: സൗദി അറേബ്യയിൽ കാണാതായ മലയാളി ദമ്പതികളെ മരുഭൂമിയിൽ മരിച്ച നിലയിൽ കണ്ടെത്തി. കോഴിക്കോട് നാദാപുരം കക്കട്ടിൽ പുളിച്ചാലിൽ കുഞ്ഞബ്ദുള്ള(37), ഭാര്യ കുനിങ്ങാട് മാഞ്ഞിരോളി മീത്തൽ ഇബ്രാഹിം ഹാജിയുടെയും ഖദീജയുടെയും മകൾ റിസ്വാന(30) എന്നിവരെയാണ് മരുഭൂമിയിൽ മരിച്ചനിലയിൽ കണ്ടെത്തിയത്.
സൗദിയിലെ ഹൈപ്പർമാർക്കറ്റിൽ ഡ്രൈവറായി ജോലി ചെയ്യുന്ന കുഞ്ഞബ്ദുള്ളയെ രണ്ട് ദിവസമായി കാണാത്തതിനെ തുടർന്ന് സൗദി പോലീസിൽ പരാതി നൽകിയിരുന്നു. ഹൈപ്പർമാർക്കറ്റ് അധികൃതർ നൽകിയ പരാതിയിൽ അന്വേഷണം നടത്തിയ പോലീസ് തിങ്കളാഴ്ച വൈകീട്ടാണ് ദമ്പതികളെ മരിച്ചനിലയിൽ കണ്ടെത്തിയത്.
സൗദിയിൽ...
കോഴിക്കോട് നാദാപുരം കക്കട്ടിൽ പുളിച്ചാലിൽ മൊയ്തു-കുഞ്ഞാമി ദമ്പതികളുടെ മകനായ കുഞ്ഞബ്ദുള്ള വർഷങ്ങളായി സൗദിയിലാണ് ജോലിചെയ്യുന്നത്. നിലവിൽ ഒരു ഹൈപ്പർ മാർക്കറ്റിൽ ഡ്രൈവറായി ജോലി ചെയ്തുവരികയായിരുന്നു.
വിവാഹം...
നാദാപുരം സ്വദേശിയായ കുഞ്ഞബ്ദുള്ളയും കുനിങ്ങാട് സ്വദേശിനി റിസ്വാനയും തമ്മിൽ നാല് വർഷം മുൻപാണ് വിവാഹിതരായത്. തുടർന്ന് റിസ്വാനയും കുഞ്ഞബ്ദുള്ളയോടൊപ്പം സൗദിയിലെത്തിയിരുന്നു.
ദമ്മാമിലേക്ക്...
ഹൈപ്പർമാർക്കറ്റിൽ ഡ്രൈവറായ കുഞ്ഞബ്ദുള്ള ഭാര്യയോടൊപ്പം ദമ്മാമിലേക്ക് പോകുകയാണെന്ന് നേരത്തെ സഹപ്രവർത്തകരെ അറിയിച്ചിരുന്നു. എന്നാൽ രണ്ട് ദിവസം കഴിഞ്ഞിട്ടും കുഞ്ഞബ്ദുള്ള ജോലിക്കെത്താത്തതിനെ തുടർന്ന് സഹപ്രവർത്തകർക്ക് സംശയമായി.
പോലീസിൽ...
കുഞ്ഞബ്ദുള്ളയെ സംബന്ധിച്ച് ഒരു വിവരവും ലഭിക്കാതായതോടെയാണ് ഹൈപ്പർമാർക്കറ്റ് അധികൃതർ സൗദി പോലീസിൽ പരാതി നൽകിയത്. തുടർന്ന് പോലീസ് നടത്തിയ അന്വേഷണത്തിൽ തിങ്കളാഴ്ച വൈകീട്ടാണ് ഇരുവരെയും മരിച്ചനിലയിൽ കണ്ടെത്തിയത്.
അൽ അഹ്സ...
സൗദിയിലെ അൽ അഹ്സയിലെ അയൂണിൽ വിജനമായ മരുഭൂമിയിലാണ് ഇരുവരുടെയും മൃതദേഹങ്ങൾ കണ്ടെത്തിയതെന്നാണ് പോലീസ് നൽകുന്ന വിവരം. എങ്ങനെയാണ് മരിച്ചതെന്ന് സംബന്ധിച്ച വിവരങ്ങളൊന്നും ഇതുവരെ പുറത്തുവന്നിട്ടില്ല. അതേസമയം, മരണത്തിൽ ദുരൂഹതയുണ്ടെന്ന് കാര്യം അധികൃതർ സ്ഥിരീകരിച്ചിട്ടുണ്ട്.
കൂടുതൽ വാർത്തകൾ:
മക്ക ഹറം പള്ളിയില് സ്ത്രീകളുടെ കളി; വട്ടത്തിലിരുന്ന്!! കയ്യോടെ പിടികൂടി പോലീസ് ചെയ്തത്
രാത്രി കാമുകനുമായി വീഡിയോ കോൾ! അതിനിടെ ഹോസ്റ്റൽ മുറിയിൽ തൂങ്ങിമരണം... ഹാനിഷയുടെ ആത്മഹത്യയിൽ ദുരൂഹത..