ഭാര്യയെ അവിഹിതബന്ധത്തിന് നിര്ബന്ധിച്ച ഭര്ത്താവിന് തടവ്
റാസ് അല് ഖൈമ: ഭാര്യയെ അവിഹിത ബന്ധത്തിന് നിര്ബന്ധിച്ച യുവാവിന് മൂന്ന് വര്ഷത്തെ തടവ് ശിക്ഷ. ഏഷ്യക്കാരനായ യുവാവാണ് മറ്റൊരാളുമായി ലൈംഗിക ബന്ധത്തിലേര്പ്പെടാന് ഭാര്യയെ നിര്ബന്ധിച്ചത്.
തന്റെ സഹോദരിയെ മറ്റൊരാളൊടൊപ്പം ലൈംഗിക ബന്ധത്തിലേര്പ്പെടാന് ഭര്ത്താവ് നിര്ബന്ധിച്ചെന്ന് കാട്ടി യുവതിയുടെ സഹോദരിയാണ് കോടതിയെ സമീപിച്ചത്. കീഴ്ക്കോടതിയാണ് പ്രതിയെ മൂന്ന് വര്ഷത്തെ തടവ് ശിക്ഷയ്ക്ക് വിധിച്ചത്.
വിധിയ്ക്കെതിരെ ഇയാള് മേല്ക്കോടതിയെ സമീപിച്ചിട്ടുണ്ട്. മുന്പും ഭാര്യയെ പ്രതി ഇത്തരത്തില് അവിഹിത ബന്ധത്തിന് നിര്ബന്ധിച്ചിട്ടുണ്ടോ ഇവര് ബലാത്സംഗത്തിന് ഇരയായിട്ടുണ്ടോ എന്നുള്ള കാര്യങ്ങള് വിശദമായി പരിശോധിയ്ക്കാന് നിര്ദ്ദേശമുണ്ട്.
കേസില് അടുത്ത വിചാരണ നടത്തുന്നത് സെപ്റ്റംബര് 29 ലേയ്ക്ക് മാറ്റിയിട്ടുണ്ട്. പ്രതി ഏഷ്യക്കാരനാണെന്ന് മാത്രമേ യുഎഇ മാധ്യമങ്ങളില് റിപ്പോര്ട്ടുള്ളൂ. ഇയാളുടെ പേരോ ഏത് രാജ്യക്കാരനാണെന്ന വിവരമോ ലഭ്യമല്ല.