Click it and Unblock the Notifications
Just In
Don't Miss
-
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മോദി ഞായറാഴ്ച യുഎഇയിലെത്തും, ലേബര്‍ ക്യാംപ് സന്ദര്‍ശിക്കും
അബുദാബി: രണ്ടു ദിവസത്തെ ഔദ്യോഗിക സന്ദര്‍ശനത്തിനായി ഇന്ത്യന്‍ പ്രധാനമന്ത്രി നരേന്ദ്ര മോദി ഞായറാഴ്ച യുഎഇയിലെത്തും. സന്ദര്‍ശനത്തിലെ പ്രധാന പരിപാടികളെ കുറിച്ചുള്ള വിവരങ്ങള്‍ വ്യക്തമായി. ഉച്ചയ്ക്ക് രണ്ടര മണിക്ക് അബുദാബിയിലെത്തുന്ന പ്രധാനമന്ത്രിയെ അബുദാബി കിരീടാവകാശി ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍ സ്വീകരിക്കും.
തുടര്‍ന്ന് താമസം ഒരുക്കിയിട്ടുള്ള അബുദാബി എമിറേറ്റ്‌സ് പാലസില്‍ എത്തുന്ന മോദി വൈകീട്ട് ആറു മണിക്ക് അബുദാബിയിലെ ശൈഖ് സായിദ് ഗ്രാന്റ് മോസ്‌ക് സന്ദര്‍ശിക്കും. തുടര്‍ന്ന് ഏഴ് മണിയോടെ ഐക്കാഡ് സിറ്റിയിലെ ലേബര്‍ ക്യാമ്പിലെത്തുന്ന പ്രധാനമന്ത്രി 300 തൊഴിലാളികളുമായി ഏതാണ്ട് 45 മിനിറ്റ് സംവദിക്കും.
ഒമ്പതു മണിക്ക് അബുദാബി കിരീടാവകാശി ഒരുക്കുന്ന അത്താഴ വിരുന്നോടെ മോദിയുടെ ആദ്യ ദിവസത്തെ സന്ദര്‍ശനങ്ങള്‍ അവസാനിക്കും. പതിനേഴാം തിയ്യതി രാവിലെ പത്തുമണിക്ക് മസ്ദാര്‍ സിറ്റിയിലെ ഊര്‍ജ പ്ലാന്റ് സന്ദര്‍ശിച്ചു കൊണ്ടായിരിക്കും രണ്ടാം ദിവസത്തെ ഔദ്യോഗിക സന്ദര്‍ശനങ്ങള്‍ ആരംഭിക്കുന്നത്. 11.30 ഓടെ മസ്ദാര്‍ സിറ്റി ഓഡിറ്റോറിയത്തില്‍ വെച്ച് യു.എ.ഇ ലെ വ്യവസായ പ്രമുഖരുമായി മോദി കൂടിക്കാഴ്ച നടത്തും.
യു.എ.ഇ സാമ്പത്തിക കാര്യ മന്ത്രി സുല്‍ത്താന്‍ അല്‍ മന്‍സൂരി ചര്‍ച്ചയില്‍ പങ്കെടുക്കും. തുടര്‍ന്ന് അബുദാബി സന്ദര്‍ശനം അവസാനിപ്പിച്ച് പ്രധാനമന്ത്രി 2 മണിയോടെ ദുബായിലെത്തും. തുടര്‍ന്ന് ദുബായ് സാബീല്‍ പാലസില്‍ യു.എ.ഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് അല്‍ മക്തൂമുമായി മോദി ചര്‍ച്ച നടത്തും.
വൈകീട്ട് മൂന്നര മണിയോടെ ദുബായ് ഒബ്രോയി ഹോട്ടലില്‍ എത്തുന്ന മോദി ഇന്ത്യന്‍ എംബസി ഒരുക്കുന്ന സ്വീകരണത്തില്‍ പങ്കെടുക്കും. പരിപാടിയില്‍ സാമൂഹിക സാംസ്‌കാരിക വ്യവസായ മേഖലയിലെ 250 പേര്‍ പങ്കെടുക്കും. തുടര്‍ന്ന് 7.30 ഓടെ ദുബായ് ക്രിക്കറ്റ് സ്‌റ്റേഡിയത്തില്‍ എത്തുന്ന ഇന്ത്യന്‍ പ്രധാനമന്ത്രി നരേന്ദ്രമോദി 50,000 ത്തോളം വരുന്ന ഇന്ത്യക്കാരെ അഭിസംബോധനം ചെയ്ത് ഒരു മണിക്കൂര്‍ സംസാരിക്കും. രാത്രി 11 മണിയോടെ യു.എ.ഇ ലെ രണ്ടു ദിവസത്തെ ഔദ്യോഗിക സന്ദര്‍ശനം പൂര്‍ത്തിയാക്കി പ്രധാനമന്ത്രി മടങ്ങും.
