• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഒബ്‌സഷന്‍' ഷോര്‍ട്ട് ഫിലിം പ്രദര്‍ശനം വെള്ളിയാഴ്ച

  • By Thanveer

ഷാര്‍ജ: മത്സരിച്ച മേളകളിലെല്ലാം അവാര്‍ഡുകള്‍ വാരിക്കൂട്ടിയ ഷോര്‍ട്ട് ഫിലിം ഭഒബ്‌സഷന്‍' പ്രദര്‍ശനം വെള്ളിയാഴ്ച രാത്രി 7.30ന് ഷാര്‍ജ ഇന്ത്യന്‍ അസോസിയേഷനില്‍ നടക്കും. പ്രശസ്ത തിരക്കഥാകൃത്ത് ജോണ്‍ പോള്‍ ഉദ്ഘാടനം നിര്‍വഹിക്കും. സലീം റഹ്മാന്റെയും ഹര്‍ഷന്‍ ആന്ദ്രപ്പള്ളിയുടെയും പ്രഥമ സംവിധാന സംരംഭമായ ഭഒബ്‌സെഷന്‍' അബുദാബി കേരള സോഷ്യല്‍ സെന്റര്‍ ഷോര്‍ട്ട് ഫിലിം ഫെസ്റ്റിവലില്‍ മികച്ച സിനിമ, മികച്ച നടന്‍, മികച്ച എഡിറ്റര്‍ എന്നിവക്കുള്ള പുരസ്‌കാരങ്ങളും ലെന്‍സ് വ്യൂ ഷോര്‍ട്ട് ഫിലിം ഫെസ്റ്റിവലില്‍ മികച്ച സംവിധായകര്‍, മികച്ച നടന്‍, തൃശൂര്‍ ഭരത് പി.ജെ സ്മാരക ഷോട്ട് ഫിലിം ഫെസ്റ്റിവലില്‍ സ്‌പെഷ്യല്‍ ജ്യൂറി അവാര്‍ഡ് എന്നീ ബഹുമതികളും നേടി.

ഗോവ ഇന്റര്‍നാഷനല്‍ ഫിലിം ഫെസ്റ്റിവല്‍ മത്സര വിഭാഗത്തിലേക്കുള്ള ഔദ്യോഗിക ക്ഷണവും നിരവധി ഷോര്‍ട്ട് ഫിലിം മേളകളില്‍ മത്സരാനുമതിയും ലഭിച്ചിട്ടുണ്ട്. ഷാര്‍ജയിലെ ഒരു ലേബര്‍ ക്യാമ്പിലെ കഌനിംഗ് തൊഴിലാളി മുഖ്യ കഥാപാത്രത്തെ അവതരിപ്പിച്ച ഈ ചിത്രം ലോക തൊഴിലാളി ദിനത്തില്‍ പ്രദര്‍ശിപ്പിക്കാന്‍ കഴിയുന്നതില്‍ അതീവ സന്തോഷമുണ്ടെന്ന് അണിയറ പ്രവര്‍ത്തകര്‍ പറഞ്ഞു.

പ്രദര്‍ശന ശേഷം ജോണ്‍ പോളുമായി സംവാദത്തിന് അവസരവും ഒരുക്കിയിട്ടുണ്ട്. ജോണ്‍ പോളുമായി സിനിമയും സാഹിത്യവും ചര്‍ച്ച ചെയ്യാനുള്ള മികച്ച അവസരമാണിതെന്ന് നിര്‍മാതാവ് സുനില്‍ രാജ് പറഞ്ഞു. ഏഷ്യാനെറ്റ് ഷോര്‍ട്ട് ഫിലിം ഫെസ്റ്റിവലില്‍ മികച്ച ഛായാഗ്രഹകനുള്ള അവാര്‍ഡ് കരസ്ഥമാക്കിയ അനീഷ് സുരേന്ദ്രനാണ് ഈ ചിത്രത്തിന് കാമറ ചലിപ്പിച്ചത്. ഹര്‍ഷന്റെ കഥക്ക് തിരക്കഥാ ഭാഷ്യം ചമച്ചത് സജീവന്‍ ചേനം ആണ്. പ്രദര്‍ശനത്തിലേക്ക് സിനിമാ പ്രേമികളെ സ്വാഗതം ചെയ്യുന്നതായി സംഘാടകര്‍ അറിയിച്ചു.

English summary
'Obsession' short film will exhibit on friday at Sharjah Indian Association
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more