ഐ-പ്രോ എക്സ്ട്രീം ടെക്നോളജി പ്ളാറ്റ്ഫോമുമായി പനാസോണിക്
ദുബായ്: ഇന്റര്സെക് 2018ല് ഐ-പ്രോ എക്സ്ട്രീം ടെക്നോളജി പ്ളാറ്റ്ഫോമുമായി പനാസോണിക് രംഗത്ത്. ഇന്ഡോര്-ഔട്ഡോര് സെക്യൂരിറ്റി കാമറകളാണ് ഐ-പ്രോ സീരീസില് ഏറ്റവും കുടുതലായുള്ളത്. തിരക്കുള്ള വാണിജ്യ മേഖലകള്ക്കും ഗതാഗത ഡിപ്പോകള്ക്കും വെയര്ഹൗസുകള്ക്കും പൊതു-സ്വകാര്യ സ്ഥാപനങ്ങള്ക്കും അതിവേഗം മാറിക്കൊണ്ടിരിക്കുന്ന പരിത:സ്ഥിതിയില് ഏറ്റവും അനുയോജ്യമാണിവയെന്ന് പനാസോണിക് സിസ്റ്റം സൊല്യൂഷന്സ് ഡിപാര്ട്മെന്റിലെ സീനിയര് സെയില്സ് ആന്റ് മാര്ക്കറ്റിംഗ് മാനേജര് ടെറ്റ്സുവോ ഒകാവയും ഗ്ളോബല് സെയില്സ് ഡിപാര്ട്മെന്റിലെ ഹെഡ് സെയില്സ് മാനേജര് ഹിഡിയോ ഹിരൈഷിയും പറഞ്ഞു.
കാമറ, റെക്കോര്ഡിംഗ്, വിഎംഎസ് (വീഡിയോ മാനേജ്മെന്റ് സോഫ്റ്റ്വെയര്) എന്നീ ശ്രണേിയിലെ വിപുലമായ ഉലപന്നങ്ങളുമായാണ് പനാസോണിക് ഇക്കുറിയും ഇന്റര്സെക്കിന് എത്തിയിട്ടുള്ളത്. ദൃശ്യ നിലവാരം, സിസ്റ്റം സൗകര്യം, ഐപി സെക്യൂരിറ്റി, എംബഡന്നുഡ് ഇന്റലിജന്സ് എന്നിവക്കും പനാസോണിക് മുന്തൂക്കം നല്കിയിട്ടുണ്ട്. ഈ രംഗത്തെ 30ലധികം ഉല്പന്നങ്ങളാണ് ഈ മേളയില് തങ്ങള്ക്കുള്ളതെന്ന് ടെറ്റ്സുവോ ഒകാവ പറഞ്ഞു.
പനാസോണികിന്റെ 100-ാം വാര്ഷികം പ്രമാണിച്ച് പ്രത്യേക ഉല്പന്നങ്ങള് ഇറക്കുമെന്നും അദ്ദേഹം വ്യക്തമാക്കി. വിപണി മത്സരം ഗൗരവത്തോടെയാണ് നോക്കി കാണുന്നതെന്നും എന്നാല് ചില കമ്പനികള് ചെയ്യുന്നത് പോലെ ഉല്പന്നത്തിന്റെ ഗുണനിലവാരം കുറച്ച് മറ്റൊരു പേരില് കുറഞ്ഞ നിരക്കില് ഉല്പന്നങ്ങള് വിപണിയിലിറക്കാന് തങ്ങള് തയ്യാറല്ലെന്നും അദ്ദേഹം വ്യക്തമാക്കി.