Click it and Unblock the Notifications
Just In
Don't Miss
-
ട്രക്കിടിച്ചിട്ടും കുലുങ്ങിയില്ല, യാത്രക്കാർ സേഫ്; ക്രാഷ് ടെസ്റ്റിന് മുമ്പേ കരുത്ത് തെളിയിച്ച് എക്സ്റ്റർ -
ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ് -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
അവിഹിത ഗര്‍ഭം; ചോരക്കുഞ്ഞിനെ ശ്വാസം മുട്ടിച്ചുകൊന്ന ഫിലിപ്പിനോ വേലക്കാരി അറസ്റ്റില്‍
ദുബായ്: അവിഹിത ഗര്‍ഭത്തിലുണ്ടായ ചോരക്കുഞ്ഞിനെ വായില്‍ തുണിതിരുകി ശ്വാസം മുട്ടിച്ചുകൊന്ന ഫിലിപ്പിനോ വേലക്കാരി അറസ്റ്റില്‍. ദുബായ് അല്‍ നഹ്ദയിലാണ് മനസ്സാക്ഷിയെ നടുക്കുന്ന സംഭവം നടന്നത്. വയറുവേദനയെന്നു പറഞ്ഞ് കുളിമുറിയില്‍ കയറിയ 32കാരിയായ വേലക്കാരി ഏറെ നേരമായിട്ടും പുറത്തിറങ്ങാതിരുന്നതിനെ തുടര്‍ന്ന് പലതവണ വാതിലില്‍ മുട്ടിയെങ്കിലും തുറക്കാന്‍ തയ്യാറായിരുന്നില്ലെന്ന് സ്‌പോണ്‍സറും സഹോദരിയും പോലിസിനോട് പറഞ്ഞു.
രണ്ട് മണിക്കൂറോളം കഴിഞ്ഞാണ് വേലക്കാരി പുറത്തിറങ്ങിയത്. അപ്പോഴേക്കും തളര്‍ന്ന് അവശയായിരുന്നു അവര്‍. പുറത്തുവരുമ്പോള്‍ കൈയില്‍ ഒരു പ്ലാസ്റ്റിക് സഞ്ചിയുമുണ്ടായിരുന്നു. അത് അടുക്കളയില്‍ വച്ച ശേഷം നേരെ മുറിയിലെത്തി കിടക്കയില്‍ തളര്‍ന്നുവീണു. വസ്ത്രത്തില്‍ ചോരയുടെ പാടുകളുണ്ടായിരുന്നു. അന്വേഷിച്ചപ്പോള്‍ ആര്‍ത്തവരക്തം കൂടുതലായി പോയതാണെന്നും അതിന്റെ ക്ഷീണമാണെന്നും പറഞ്ഞു. തളര്‍ന്നു മയങ്ങിപ്പോയ വേലക്കാരിയില്‍ നിന്ന് തുടര്‍ന്നും രക്തസ്രാവം ഉണ്ടാവുന്നത് ശ്രദ്ധയില്‍പ്പെട്ട വീട്ടുകാര്‍ ഉടനെ ആംബുലന്‍സ് വിളിച്ച് ആശുപത്രിയിലെത്തിക്കുകയായിരുന്നു. വേലക്കാരിയെ പരിശോധിച്ച ഡോക്ടര്‍മാരാണ് വേലക്കാരി അല്‍പം മുമ്പ് പ്രസവിച്ച കാര്യം വീട്ടുകാരോട് പറയുന്നത്. കുഞ്ഞ് വീട്ടിലുണ്ടെന്ന് പറഞ്ഞതനുസരിച്ച് പോലിസും ആരോഗ്യപ്രവര്‍ത്തകരും ഉടന്‍ വീട്ടിലേക്കെത്തിയെങ്കിലും അപ്പോഴേക്കും കുഞ്ഞ് മരിച്ച നിലയിലായിരുന്നു. വായില്‍ തുണി തിരുകിയ നിലയിലായിരുന്നു കുട്ടിയെ പ്ലാസ്റ്റിക് സഞ്ചിയില്‍ കണ്ടതെന്ന് പോലിസ് പറഞ്ഞു.
വര്‍ഷാദ്യത്തില്‍ കാമുകനുമായുണ്ടായ അവിഹിത ലൈംഗിക ബന്ധത്തിലാണ് യുവതി ഗര്‍ഭിണിയായതെന്ന് അന്വേഷണത്തില്‍ വ്യക്തമായി. പുറത്തറിഞ്ഞാല്‍ പ്രശ്‌നമാവുമെന്നതിനാല്‍ ഗര്‍ഭം മറ്റുള്ളവരില്‍ നിന്ന് മറച്ചുവയ്ക്കുകയായിരുന്നു. യുവതിയെ അറസ്റ്റ് ചെയ്ത പോലിസ് കുഞ്ഞിനെ കൊലപ്പെടുത്തിയതിനും അവിഹിത ലൈംഗിക ബന്ധത്തിനും കേസെടുത്തിട്ടുണ്ട്. വിവാഹേതര ലൈംഗിക ബന്ധം കുറ്റകരമായി കാണുന്ന ദുബയില്‍ പോലിസിനെ പേടിച്ച് ഇത്തരം സംഭവങ്ങള്‍ പതിവാണെന്ന് റിപ്പോര്‍ട്ടുകള്‍ സൂചിപ്പിക്കുന്നു.
