ഖത്തറില്‍ വിദേശികള്‍ക്കും ഇ-ഗേറ്റ് സംവിധാനം ഉപയോഗിക്കാം

ഖത്തര്‍ : രാജ്യത്തെ വിമാനത്താവളങ്ങളില്‍ ഏര്‍പ്പെടുത്തിയ ഇ-ഗേറ്റ് സംവിധാനം ഖത്തര്‍ വിസയിലുള്ള വിദേശികള്‍ക്കും ഉപയോഗിക്കാമെന്ന് ഖത്തര്‍ ആഭ്യന്തര മന്ത്രാലയം അറിയിച്ചു.

സംവിധാനം സ്വദേശികള്‍ക്ക് മാത്രമെ ഉപയോഗിക്കാന്‍ സാധിക്കുള്ളു എന്ന അഭ്യൂഹങ്ങള്‍ക്കിടയിലാണ് മന്ത്രാലയം അറിയിപ്പ് പുറത്തുവിട്ടിരിക്കുന്നത്. പതിനെട്ട് വയസ്സിനു മുകളിലുള്ള വിദേശിക്കും രാജ്യത്ത് പ്രവേശിക്കുമ്പോഴും രാജ്യത്ത് നിന്ന് പുറത്ത് പോകുമ്പോഴും ഇ-ഗേറ്റ് സംവിധാനത്തിലൂടെ എമിഗ്രേഷന്‍ നടപടികള്‍ പൂര്‍ത്തിയാക്കാം.

എളുപ്പത്തിലും വേഗത്തിലും പൂര്‍ത്തിയാക്കാവുന്ന നടപടികള്‍ വിമാനത്താവളങ്ങളിലെ തിരക്ക് കുറയാന്‍ കാരണമാകുമെന്നാണ് മന്ത്രാലയത്തിന്റെ കണക്കുകൂട്ടല്‍.

English summary

Qattar; e-gate facility for foreigners