Click it and Unblock the Notifications
Just In
Don't Miss
-
IPL 2024: ജയം തുടരാന് സിഎസ്കെ, തിരിച്ചുവരാന് ലഖ്നൗ- ടോസ് 7 മണിക്ക് -
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ -
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ഖത്തറില്‍ ശമ്പളം വൈകിക്കുന്ന കമ്പനികള്‍ ദിവസവും 2000 റിയാല്‍ പിഴ നല്‍കേണ്ടി വരും
ഖത്തര്‍: സമഗ്രമായ മാറ്റങ്ങളോടെ പുതിയ നിയമ പരിഷ്‌കാരങ്ങള്‍ക്ക് ഖത്തര്‍ ഒരുങ്ങുന്നു. സ്‌പോണ്‍സര്‍ഷിപ്പ് നിയമത്തിലും എക്‌സിറ്റ് പെര്‍മിറ്റ് നിയമത്തിലും പുതിയ മാറ്റങ്ങള്‍ കൊണ്ടുവരാന്‍ ഉദ്ദേശിക്കുന്നതായി ഖത്തര്‍ തൊഴില്‍ സാമൂഹികകാര്യ മന്ത്രി ഡോ. അബ്ദുള്ള ബിന്‍സാലെ മുബാറക് അല്‍ ഖുലൈഫി അറിയിച്ചു. റെസിഡന്‍സി വ്യവസ്ഥകള്‍ കരാര്‍ അടിസ്ഥാനത്തിലായിരിക്കും നല്‍കുക.
കരാര്‍ കലാവധി പൂര്‍ത്തിയാക്കുന്ന തൊഴിലാളികള്‍ക്ക് മറ്റ് തൊഴിലുടമകളുടെ കീഴില്‍ ജോലി ചെയ്യാനോ, രാജ്യം വിട്ട് പോകുവാനോ സാധിക്കും. എന്നാല്‍ കരാര്‍ കാലയളവില്‍ രാജ്യം വിടണമെങ്കില്‍ ആഭ്യന്തര മന്ത്രാലയത്തില്‍ നിന്നും എക്‌സിറ്റ് പെര്‍മിറ്റ് നേടണം. കമ്പനികള്‍ തങ്ങളുടെ തൊഴിലാളികളുടെ അവകാശകങ്ങള്‍ സംരക്ഷിക്കാന്‍ ബാധ്യസ്ഥരാണ്. തൊഴില്‍ വേതനം ഓണ്‍ലൈനായി നല്‍കണം, ശമ്പളം വൈകിപ്പിക്കുന്ന കമ്പനികള്‍ക്ക് ഓരോ ദിവസത്തിനും 2000 ഖത്തര്‍ റിയാല്‍ പിഴ നല്‍കേണ്ടി വരും.
താമസം,ആരോഗ്യം,ഭക്ഷണം തുടങ്ങിയ എല്ലാ കാര്യങ്ങളിലും കമ്പനി ഉത്തരവാദിത്വത്തോടെ പെരുമാറണം. നിയമ ലംഘനം തടയുന്നതിനായി ശക്തമായ പരിശോധനകള്‍ ഏര്‍പ്പെടുത്തുമെന്നും അദ്ദേഹം അറിയിച്ചു. തൊഴില്‍ മന്ത്രാലയത്തിന് കീഴില്‍ 7 ഓളം ഭാഷകളില്‍ പ്രവര്‍ത്തിക്കുന്ന ബൂത്തുകള്‍ സജ്ജമാക്കിയിട്ടുണ്ട്.
തൊഴിലാളികള്‍ക്ക് ഇത്തരം കേന്ദ്രങ്ങള്‍ വഴി പരാതികള്‍ സമര്‍പ്പിക്കാം. സ്വകാര്യ മേഖലയില്‍ സ്വദേശികളെ ആകര്‍ഷിക്കാനും നിലവിലുള്ള അനുപാതം 20 ല്‍ നിന്നും 25 ശതമാനത്തിലേക്ക് കൂട്ടാനും മന്ത്രാലയം ആലോചിക്കുന്നുണ്ട്. ഭേദഗതികള്‍ ശൂറ കൗണ്‍സിലിന്റെ അനുമതിക്കായി സമര്‍പ്പിച്ചിരിക്കുകയാണെന്ന് മന്ത്രി പറഞ്ഞു.
