• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

സ്വദേശിവല്‍ക്കരണം വന്‍ വിജയം; 2017ല്‍ ജോലി ലഭിച്ചത് 1.2 ലക്ഷം സൗദികള്‍ക്ക്

  • By desk

റിയാദ്: സ്വദേശിവല്‍ക്കരണത്തിന്റെ ഭാഗമായി നടപ്പാക്കിയ പൊതുമാപ്പ് പ്രഖ്യാപനത്തെ തുടര്‍ന്ന് 2017ല്‍ മാത്രം 1.2 ലക്ഷം സ്വദേശികള്‍ക്ക് സൗദിയില്‍ ജോലി ലഭിച്ചതായി റിപ്പോര്‍ട്ട്. 1,21,766 സൗദി യുവതി-യുവാക്കള്‍ക്ക് വിവിധ മേഖലകളില്‍ തൊഴില്‍ ലഭിച്ചതായി സൗദി തൊഴില്‍ സാമൂഹിക വികസന മന്ത്രാലയം വക്താവ് ഖാലിദ് അബ അല്‍ കഹല്‍ വെളിപ്പെടുത്തി. ഈ വര്‍ഷം സപ്തംബറില്‍ 28,154 പേര്‍ക്കാണ് ജോലി ലഭിച്ചത്. നവംബറില്‍ പുതുതായി ജോലി ലഭിച്ചവരുടെ എണ്ണം 36,062 ആയി ഉയര്‍ന്നു. ഡിസംബര്‍ ആദ്യ 15 ദിവസം 12,280 സൗദികള്‍ പുതുതായി ജോലിയില്‍ പ്രവേശിച്ചതായും കണക്കുകള്‍ വ്യക്തമാക്കുന്നു.

അമിതവേഗം നിങ്ങളെ കൊലയാളിയാക്കുന്നു; യുഎഇയില്‍ ജനുവരി ഒന്ന് മുതല്‍ കാംപയിന്‍

ഒക്ടോബര്‍ മുതല്‍ സൗദി ഭരണകൂടം നടപ്പാക്കിയ വിവിധ സ്വദേശിവല്‍ക്കരണ പദ്ധതികളാണ് ജോലി ലഭിച്ച സൗദികളുടെ എണ്ണം ഇത്രവലിയ വര്‍ധനവ് ഉണ്ടാവാന്‍ കാരണമെന്നും അല്‍ കഹല്‍ പറഞ്ഞു. അനധികൃതമായി സൗദിയില്‍ ജോലി ചെയ്യുന്നവര്‍ക്ക് നാട്ടിലേക്ക് മടങ്ങാന്‍ പൊതുമാപ്പ് പ്രഖ്യാപിച്ചതും അതിനു ശേഷം നടത്തിയ പരിശോധനകളില്‍ ലക്ഷക്കണക്കിനാളുകളെ പിടികൂടി നാട്ടിലേക്കയച്ചതും തൊഴില്‍ കമ്പോളത്തില്‍ വലിയ ചലനങ്ങള്‍ സൃഷ്ടിച്ചിരുന്നു. സ്ത്രീകള്‍ക്കുള്ള സാധനങ്ങള്‍ വില്‍ക്കുന്ന കടകളില്‍ സ്വദേശീ വനിതകളെ നിയമിക്കണമെന്ന നിയമവും, മാളുകളിലെയും മൊബൈല്‍ ഷോപ്പുകളിലെയും സ്വദേശിവത്കരണവും സൗദികളെ ജോലിക്ക് നിയമിക്കാന്‍ തൊഴിലുടമകളെ നിര്‍ബന്ധിതരാക്കി. ജനുവരി മുതല്‍ വിദേശ തൊഴിലാളികള്‍ക്കുള്ള ലെവി ഇരട്ടിയാക്കുന്നതോടെ കൂടുതല്‍ സൗദികളെ ജോലിക്ക് നിയമിക്കാന്‍ തൊഴിലുടമകള്‍ നിര്‍ബന്ധിതരാകും. സൗദി വല്‍ക്കരണം പാലിക്കപ്പെടുന്നുവെന്ന് ഉറപ്പുവരുത്താന്‍ ശക്തമായ പരിശോധനയാണ് അധികൃതര്‍ നടത്തിവരുന്നത്.

ഇതിനു പുറമെ സ്വകാര്യമേഖലയില്‍ സ്ത്രീകളുടെ തൊഴില്‍ പ്രാധിനിധ്യം 2017ല്‍ ഗണ്യമായി വര്‍ധിച്ചതായും മന്ത്രാലയത്തിന്റെ റിപ്പോര്‍ട്ട് വ്യക്തമാക്കുന്നു. സൗദിയിലെ വനിതാ ജീവനക്കാരില്‍ 76 ശതമാനം പേരും സ്വദേശികളാണെന്നതാണ് പുതിയ കണക്ക്. 4.6 ലക്ഷം സൗദി സ്ത്രീകളാണ് നിലവില്‍ സൗദിയില്‍ ജോലി ചെയ്യുന്നത്.

English summary
saudization becomes huge success
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more