Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഷാര്‍ജയില്‍ സ്വകാര്യ സ്‌കൂളുകള്‍ക്ക് മുന്നറിയിപ്പ്; തോന്നിയപോലെ ഫീസ് കൂട്ടിയാല്‍ വിവരമറിയും
ഷാര്‍ജ: സര്‍ക്കാരിന്റെ അംഗീകാരം നേടാതെ തോന്നിയപോലെ ഫീസ് വര്‍ധിപ്പിക്കുന്ന സ്വകാര്യ സ്‌കൂളുകള്‍ക്കെതിരേ മുന്നറിയിപ്പുമായി ഷാര്‍ജ വിദ്യാഭ്യാസ വകുപ്പിനു കീഴിലുള്ള ഷാര്‍ജ എജ്യുക്കേഷന്‍ സോണ്‍. വിദ്യാഭ്യാസ സ്ഥാപനങ്ങളുടെ ഇത്തരം അനധികൃത നടപടികള്‍ക്കെതിരേ പിഴ ഉള്‍പ്പെടെയുള്ള നടപടികള്‍ കൈക്കൊള്ളുമെന്ന് മന്ത്രാലയം ഉദ്യോഗസ്ഥന്‍ വ്യക്തമാക്കി.
പുതിയ അധ്യയന വര്‍ഷം ആരംഭിച്ചതോടെ ഷാര്‍ജയിലെ ഒരു സ്വകാര്യ സ്‌കൂള്‍ മുന്നറിയിപ്പില്ലാതെ 10 ശതമാനം കണ്ട് ഫീസ് വര്‍ധിപ്പിച്ചുവെന്ന രക്ഷിതാക്കളുടെ പരാതികളെ തുടര്‍ന്നാണ് നടപടി. ഫീസ് വര്‍ധനയുമായി ബന്ധപ്പെട്ട് ഒരു അറിയിപ്പും തങ്ങള്‍ക്ക് ലഭിച്ചിരുന്നില്ലെന്നും ഉയര്‍ന്ന ഫീസ് അടയ്ക്കാതെ കുട്ടികളെ ക്ലാസ്സിലിരുത്താന്‍ മാനേജ്‌മെന്റ് വിസമ്മതിക്കുന്നവെന്നുമാണ് രക്ഷിതാക്കളുടെ പരാതി. എല്ലാ സ്‌കൂളുകളിലും ഈ വര്‍ഷത്തെ അഡ്മിഷന്‍ പൂര്‍ത്തിയായിരിക്കെ മറ്റൊരു സ്‌കൂളിലേക്ക് കുട്ടികളെ മാറ്റിച്ചേര്‍ക്കാന്‍ പോലുമുള്ള അവസരമില്ലെന്നും രക്ഷിതാക്കള്‍ പരാതിപ്പെടുന്നു. മുന്നറിയിപ്പില്ലാതെയുള്ള ഫീസ് വര്‍ധന അംഗീകരിക്കാനാവില്ലെന്നാണ് അവരുടെ നിലപാട്.
ഫീസ് വര്‍ധിപ്പിക്കണമെന്നു കാണിച്ച് സ്‌കൂളുകള്‍ നല്‍കുന്ന അപേക്ഷകള്‍ പരിഗണിച്ച് ഇതിനായുള്ള പ്രത്യേക കമ്മിറ്റി ഇതേക്കുറിച്ച് പഠനം നടത്തിയ ചെയ്ത ശേഷം മാത്രമാണ് മന്ത്രാലയം ഫീസ് വര്‍ധനയ്ക്ക് അനുമതി നല്‍കുന്നത്. സ്‌കൂളിലെ സൗകര്യങ്ങള്‍, സംവിധാനങ്ങള്‍, അക്കാദമിക നിലവാരം തുടങ്ങിയവ പരിഗണിച്ച് മാത്രമേ ഫീസ് കൂട്ടുന്ന കാര്യത്തില്‍ തീരുമാനമെടുക്കൂ. സ്വകാര്യ സ്‌കൂളുകളുടെ ട്യൂഷന്‍ ഫീസ് ഘടന മന്ത്രാലയം നിരീക്ഷിച്ചുവരികയാണെന്നും ഇതിനായി ഒരു പ്രത്യേക കമ്മിറ്റിക്ക് രൂപം നല്‍കിയതായും മന്ത്രാലയം വക്താവ് അറിയിച്ചു. കമ്മിറ്റി സ്‌കൂളുകളില്‍ സന്ദര്‍ശനം നടത്തി അനുവദനീയമായ ഫാസ് തന്നെയാണോ ഈടാക്കുന്നത് തുടങ്ങിയ കാര്യങ്ങള്‍ പഠിക്കുമെന്നും അദ്ദേഹം പറഞ്ഞു.
