Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
മദീന പള്ളിയില്‍ 17 ലോക ഭാഷകള്‍ സംസാരിക്കുന്ന വനിതാ ജീവനക്കാര്‍
മക്ക : മക്കയിലെ ഹറം പള്ളിയിലെത്തുന്ന ബധിരരായ തീര്‍ഥാടകര്‍ക്ക് സഹായങ്ങള്‍ നല്‍കുന്നതിനായി ആംഗ്യ ഭാഷാ പരിശീലകന്‍ മുഹമ്മദ് അല്‍ അബു മദ്‌റയുടെ ശിക്ഷണത്തില്‍ 30 ജീവനക്കാര്‍ക്ക് ആംഗ്യ ഭാഷാ പരിശീലനം നല്‍കിയതായി ഗ്രാന്റ് മസ്ജിദ് അക്കാദമി തലവന്‍ വലീദ് ബാ സമദ് അറിയിച്ചു.
വിശുദ്ധ മക്കയില്‍ വരുന്ന മറ്റേതു തീര്‍ഥാടകരെയും പോലെയാണ് വൈകല്യങ്ങളുള്ളവരെന്നും പള്ളിക്കകത്ത് അവര്‍ക്ക് യാതൊരു അസൗകര്യവും ഉണ്ടാകുന്നില്ലെന്നു ഉറപ്പ് വരുത്തുകയും പരമാവധി സഹായം ലഭ്യമാക്കുകയുമാണു പ്രത്യേക ടീമിന്റെ ലക്ഷ്യമെന്നും വലീദ് പറഞ്ഞു.
അതേ സമയം മദീനയിലെ പ്രവാചകരുടെ പള്ളിയില്‍ വനിതാ തീര്‍ഥാടകരുടെ സഹായത്തിനായി 17 പ്രധാന ലോക ഭാഷകള്‍ സംസാരിക്കുന്ന സ്ത്രീ ജീവനക്കാരുടെ സേവനവും ഇപ്പോള്‍ ലഭ്യമാണ്. ബിരുദവും ബിരുദാനന്തര ബിരുദവുമുള്ള വിദ്യാര്‍ഥിനികള്‍ക്ക് ഭാഷാ പഠനത്തില്‍ പ്രത്യേക പരിശീലനം നല്‍കിയാണ് സേവനത്തിനായി രംഗത്തിറക്കുന്നത്.
മദീന പള്ളിക്കകത്തും പുറത്തുമുള്ള സ്ത്രീകളുടെ തിരക്ക് നിയന്ത്രിക്കുന്നതിനും പ്രാഥമിക ശുശ്രൂഷകള്‍ നല്‍കുന്നതിനും മറ്റു സഹായങ്ങള്‍ നല്‍കുന്നതിനും ഈ വനിതാ ജീവനക്കാര്‍ സദാ ജാഗരൂകരാണ്.കഴിഞ്ഞ 10 വര്‍ഷമായി ഭാഷാ വിവര്‍ത്തകരെ നിയമിച്ച് കൊണ്ട് വിവിധ ഭാഷകളില്‍ ഉദ്യോഗാര്‍ത്ഥികള്‍ക്ക് ഹറം കാര്യ വകുപ്പ് പ്രത്യേക പരിശീലനം നല്‍കി വരികയാണു.
