കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ചരിത്രം മാറ്റി മറിക്കാന്‍ പ്രകടനവുമായി യുഎഇ കരാട്ടെ ഫെഡറേഷന്‍

Google Oneindia Malayalam News

ദുബായ് : വ്യത്യസ്തകളുടെയും അത്ഭുതങ്ങളുടെയും നഗരമായ ദുബായ് മറ്റൊരു ചരിത്രം കൂടി സൃഷ്ടിച്ചു. യു എ ഇ ദേശീയ കായിക ദിനത്തില്‍ ലോകത്തേറ്റവും കൂടുതല്‍ പേര്‍ അണിനിരക്കുന്ന കരാട്ടെ കത്ത അഭ്യാസവുമായാണ് യു എ ഇ കരാട്ടെ ഫെഡറെഷന്‍ പുതിയ അദ്ധ്യായം സൃഷ്ടിച്ചത്. ഇരുപത്തഞ്ചോളം രാജ്യങ്ങളില്‍ നിന്നുള്ള കരാട്ടെ അഭ്യാസികളാണ് യു എ ഇ കരാട്ടെ ഫെഡറേഷന്റെ നേത്രത്വത്തില്‍ നടന്ന അഭ്യാസ പ്രകടനത്തില്‍ പങ്കെടുത്തത്.

karateguinness

ലോക കരാട്ടെ ഫെഡറെഷന്‍ വൈസ് പ്രസിഡന്റും യു എ ഇ കരാട്ടെ ഫെഡറേഷന്‍ പ്രസിഡന്റും ആയ ജെനെറല്‍ നാസര്‍ അബ്ദുല്‍ റസാക്ക് അല്‍ റസൂക്കി, യു എ ഇ കരാട്ടെ ഫെഡറെഷന്‍ വൈസ്പ്രസിഡന്റ് മര്‍വാന്‍ മുഹമ്മദ് ഹുസൈന്‍ അലി സിന്‌ഗേല്‍, യു എ ഇ കരാട്ടെ ഫെഡറേഷന്‍ ഡയറക്ടര്‍ മുഹമ്മദ് അബ്ബാസ് തുടങ്ങിയവരാണ് ഈ വ്യത്യസ്ത ആശയത്തിന് പിന്നില്‍ പ്രവര്‍ത്തിച്ചത്.

itj-9315

ശാരീരികാരോഗ്യം നില നിര്‍ത്തുന്നതൊടൊപ്പം ആത്മവിശ്വാസം വളര്‍ത്തുകയെന്ന ലക്ഷ്യത്തോടെ ആയോധന കലകളെ പ്രോത്സാഹിപ്പിക്കാന്‍ യു എ ഇ കരാട്ടെ ഫെഡറേഷന്‍ പ്രതിജ്ഞാബന്ധമാണെന്ന് അധികൃതര്‍ പറഞ്ഞു. ആറായിരത്തിലധികം പേരാണ് ഇന്നലത്തെ ദൗത്യത്തില്‍ അണിനിരന്നത്. ദുബായ് പോലീസ് ഓഫീസേര്‍സ് ക്ലബിലെ ഫുട്ബാള്‍ സ്‌റ്റേഡിയം കരാട്ടെ അഭ്യാസികളെയും കരാട്ടെ പ്രേമികളെയും കൊണ്ട് തിങ്ങി നിറഞ്ഞു.

itj-9173

ആയോധന കലയുടെ ആധുനിക ലോകത്തെ പ്രാധാന്യം മുന്‍നിര്‍ത്തി കരാട്ടെ ഉള്‍പ്പെടെയുള്ള ആയോധന കലകള്‍ ചെറുപ്പം മുതലേ കുട്ടികളില്‍ ബോധവത്കരണം വളര്‍ത്താനും പരിശീലിപ്പിക്കാനുമായി വിവിധ ട്രെയിനര്‍മാരുടെ സഹായത്തോടെ വിപുലമായ പദ്ധതികളാണ് സ്‌കൂളുകള്‍ കേന്ദ്രീകരിച്ചു യു എ ഇ കരാട്ടെ ഫെഡറേഷന്‍ നടത്തി വരുന്നതെന്ന് ഫെഡറെഷന്‍ പ്രസിഡന്റും വൈസ്പ്രസിഡന്റും അറിയിച്ചു.

itj-8785

യു എ ഇ ആയോധന കലാരംഗത്തെ ഏറ്റവും മികച്ച ഒരനുഭവമായി പരിപാടി ആസ്വദിക്കാനായതായി കാണികള്‍ അഭിപ്രായപ്പെട്ടു. യു എ ഇ കരാട്ടെ ഫെഡറേഷന്‍ കോര്‍ഡിനേറ്റര്‍ സി വി ഉസ്മാന്‍ ആണ് പരിപാടിക്ക് വേണ്ട ഒരുക്കങ്ങള്‍ നടത്തിയത്. റെക്കോര്‍ഡ് പ്രകടനം വിലയിരുത്താന്‍ ഗിന്നസ് പ്രതിനിധികളും ചടങ്ങില്‍ സംബന്ധിച്ചു.

English summary
The UAE Karate Federation will make an official attempt to break the Guinness Record for the world’s largest Kata performance with the most number of players at a single venue
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X