യൂണിവേഴ്സിറ്റി ഓഫ് വെസ്റ്റ് ലണ്ടന് യുഎഇ ക്യാംപസ് ആരംഭിക്കുന്നു
ദുബായ്: യു കെ യിലെ പ്രശസ്തമായ യൂണിവേഴ്സിറ്റി ഓഫ് വെസ്റ്റ് ലണ്ടന് വിസ്ഡം എഡ്യൂക്കേഷന് ഗ്രൂപ്പുമായി സഹകരിച്ചു യു എ ഇ ക്യാംപസ് തുടങ്ങുമെന്ന് വിസ്ഡം ഗ്രൂപ് സി ഇ ഒ അഹ്മദ് റാഫി ബി ഫെറിയും വെസ്റ്റ് ലണ്ടന് വൈസ്ചാന്സലര് പ്രൊഫ.പീറ്റര് ഡേവിഡ് ജോണും വാര്ത്താ സമ്മേളനത്തില് അറിയിച്ചു.
റാസ് അല് ഖൈമ വിസ്ഡം ക്യാമ്പസിലാണ് വെസ്റ്റ് ലണ്ടന് കോഴ്സുകള് തുടങ്ങുക. മെയ് മാസം കഌസുകള് ആരംഭിക്കും. റാക് അക്കാദമിക് സോണിന് അപേക്ഷ നല്കിയിട്ടുണ്ട്. മധ്യപൗരസ്ത്യ ദേശത്തു വെസ്റ്റ് ലണ്ടന്റെ ആദ്യ ബ്രാഞ്ച് ആയിരിക്കും റാസ് അല് ഖൈമയിലേതെന്നും അധിക്രതര് അവകാശപ്പെട്ടു.
എം ബി എ ,ബി എ ബി എസ് ,എം എസ് സി ഫിനാന്സ് ,ബി എ അക്കൗണ്ടിംഗ് ,ബി എ ട്രാവല് ആന്ഡ് ടൂറിസം എന്നീ കോഴ്സുകള് ലഭ്യമായിരിക്കും. ലോ,എഞ്ചിനീയറിംഗ് ,കമ്പ്യൂട്ടിങ് ,മീഡിയ തുടങ്ങിയ വിഭാഗങ്ങളിലും കോഴ്സുകള് തുടങ്ങാന് പദ്ദതി തയ്യാറാക്കി വരുന്നുണ്ട്.
ലണ്ടനില് 150 വര്ഷത്തെ പാരമ്പര്യമുള്ള യൂണിവേഴ്സിറ്റി ആണ് വെസ്റ്റ് ലണ്ടന് എന്നും ഇരുവരും അറിയിച്ചു. വിസ്ഡം ഓപ്പറേഷന്സ് ഡയറക്ടര് മുഹമ്മദ് സഹീര് ,ഡീന് ഗോപാല് സലിം എന്നിവരും വാര്ത്താ സമ്മേളനത്തില് പങ്കെടുത്തു.