• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സൂഖ് അൽ മാൾ ഡോട്ട് കോമിൽ യുഎഇ.എക്സ്ചേഞ്ചും നിക്ഷേപമിറക്കുന്നു. 'ഗോ കംപെയർ', റിയാദ് തഖ്‌നിയ ഫണ്ട് എന്നിവരും കൈകോർക്കുന്നു.

  • By Thanveer

ദുബായ്: ഉപഭോക്താക്കൾക്ക് വ്യക്തിഗത ധനകാര്യ സേവനങ്ങളെക്കുറിച്ച് ഓൺലൈനിൽ താരതമ്യം നടത്താനും ഏറ്റവും മെച്ചപ്പെട്ട തീരുമാനമെടുക്കാനും സഹായിക്കുക വഴി ലോകശ്രദ്ധ നേടിയ, യു.എ.ഇ. ആസ്ഥാനമായ ഫിൻ-ടെക്ക് കമ്പനി സൂഖ് അൽ മാൾ ഡോട്ട് കോമിൽ യു.എ.ഇ.എക്സ്ചേഞ്ചും നിക്ഷേപമിറക്കുന്നു. ഇതേസമയം യു.കെ.യിലെ പ്രശസ്തമായ വില താരതമ്യ വെബ്സൈറ്റ് 'ഗോ കംപെയർ', സൗദി അറേബ്യയിലെ നിക്ഷേപ സ്ഥാപനമായ റിയാദ് തഖ്‌നിയ ഫണ്ട് എന്നിവരും യു.എ.ഇ.എക്സ്ചേഞ്ചിനൊപ്പം സൂഖ്അൽമാൾ ഡോട്ട് കോമിൽ നിക്ഷേപമിടുന്നുണ്ട്. സീരീസ് ബി. ഗണത്തിൽ പെടുന്ന ഈ നിക്ഷേപസമാഹരണം വഴി പത്ത് ദശലക്ഷം അമേരിക്കൻ ഡോളറാണ് സൂഖ്അൽമാൾ ഡോട്ട് കോം സ്വീകരിക്കുന്നത്.

തിങ്കളാഴ്ച ദുബായിൽ നടന്ന ചടങ്ങിൽ നാല് കന്പനികളുടെയും പ്രതിനിധികൾ ഇത് സംബന്ധിച്ച സംയുക്ത പ്രഖ്യാപനം നടത്തി. ഇപ്പോൾ യു.എ.ഇ.യിലെയും സൗദി അറേബ്യയിലെയും ബാങ്കിംഗ്, ഇൻഷുറൻസ്, വിദ്യാഭ്യാസം എന്നീ മേഖലകളിലെ 3,200 ഓളം മികച്ച ഉത്പന്നങ്ങളെ ഏറ്റവും വേഗത്തിലും എളുപ്പത്തിലും താരതമ്യം ചെയ്യാനും തിരഞ്ഞെടുക്കാനും വഴിയൊരുക്കുന്ന സൂഖ്അൽമാൾ ഡോട്ട് കോമിനെ അടുത്ത ഘട്ടത്തിലേക്ക് ഉയർത്തുന്നതിന് യു.എ.ഇ.എക്സ്ചേഞ്ച്, 'ഗോ കംപെയർ', റിയാദ് തഖ്‌നിയ ഫണ്ട് എന്നിവരുമായുള്ള നിക്ഷേപബന്ധം സഹായിക്കുമെന്നും ചെറിയ കാലയളവിൽ തങ്ങൾ നേടിയ വാണിജ്യവളർച്ച കൂടുതൽ ശക്തി പ്രാപിക്കുമെന്നും സൂഖ്അൽമാൾ ഡോട്ട് കോം സ്ഥാപകയും സി.ഇ.ഒ.യുമായ അംബരീൻ മൂസ പറഞ്ഞു. നിക്ഷേപത്തോടൊപ്പം ആഗോള പരിചയ സന്പത്തുള്ള ഈ പങ്കാളികളിലൂടെ നൂതന സാങ്കേതിക സംവിധാനങ്ങളും മെച്ചപ്പെട്ട സേവനങ്ങളും പ്രയോജനപ്പെടുത്താനാവുമെന്നും അവർ കൂട്ടിച്ചേർത്തു.

ഏറ്റവും മികച്ച നിരക്കുകളും സേവനവും ഉറപ്പുവരുത്താറുള്ള യു.എ.ഇ.എക്സ്ചേഞ്ച്, തങ്ങളുടെ ഉപയോക്താക്കൾക്ക് എപ്പോഴും മൂല്യവർദ്ധിത സേവനങ്ങൾ നല്കുവാൻ പ്രതിജ്ഞാബദ്ധമാണെന്നും അതിനുള്ള നല്ലൊരു പ്രതലമായി സൂഖ്അൽമാൾ ഡോട്ട് കോം ഉപകരിക്കുമെന്നും യു.എ.ഇ.എക്സ്ചേഞ്ച് ഗ്രൂപ്പ് സി.ഇ.ഒ.യും എക്സിക്യൂട്ടീവ് ഡയറക്ടറുമായ പ്രമോദ് മങ്ങാട്ട് പറഞ്ഞു. തങ്ങളുടെ 15 ദശലക്ഷം ഉപഭോക്താക്കൾക്ക് സൂഖ്അൽമാൾ ഡോട്ട് കോമിലൂടെ സാമ്പത്തിക വിനിമയ സംബന്ധമായ പല സേവനങ്ങളും ഉത്പന്നങ്ങളും പ്രയോജനപ്പെടുത്താൻ കഴിയുമെന്നും അദ്ദേഹം സൂചിപ്പിച്ചു. ഈ കൂട്ടുകെട്ടിലൂടെ ആദ്യ രാജ്യാന്തര നിക്ഷേപം നടത്തുന്ന 'ഗോ കംപെയർ,' മേഖലയിലെ ഫിൻ-ടെക്ക് സംരംഭരംഗത്ത് കുതിപ്പ് വ്യക്തമാക്കിയ സൂഖ്അൽമാൾ ഡോട്ട് കോമിനെ സാമ്പത്തിക വിദ്യാഭ്യാസത്തിന്റെ മികച്ച പ്രതലമായിട്ടാണ് കാണുന്നതെന്ന് 'ഗോ കംപെയർ' സി.ഇ.ഒ. മാത്യു ക്രംമാക്ക് സൂചിപ്പിച്ചു. മികച്ച താരതമ്യ വെബ്സൈറ്റ് എന്നതുപോലെ സാമ്പത്തിക സാക്ഷരതയുടെ സാധ്യത കൂടി തുറക്കുന്ന സൂഖ്അൽമാൾ ഡോട്ട് കോമിനെ സൗദി അറേബ്യയുടെ പശ്ചാത്തലത്തിൽ പരമാവധി പ്രയോജനപ്പെടുത്താനും ഈ നിക്ഷേപം വഴി തങ്ങൾ ലക്ഷ്യമിടുന്നതായി റിയാദ് ക്യാപിറ്റൽ ആക്റ്റിംഗ് സി.ഇ.ഒ. ആദിൽ അൽ അത്തീഖ് പറഞ്ഞു.

English summary
UAE exchange is investing in souq.com
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more