ഫുജൈറയിൽ യുഎഇ -ഇന്ത്യ ബിസിനസ് ഫെസ്റ്റ് നടത്തി
ഫുജൈറയിൽ ഐബിഎംസി ഫിനാൻഷ്യൽ പ്രൊഫഷണൽ ഗ്രൂപ് ,യുഎഇ -ഇന്ത്യ ബിസിനസ് ഫെസ്റ്റ് നടത്തി
ഫുജൈറ :ഫുജൈറയിൽ ഐ ബി എം സി ഫിനാൻഷ്യൽ പ്രൊഫഷണൽ ഗ്രൂപ് ,യുഎഇ -ഇന്ത്യ ബിസിനസ് ഫെസ്റ്റ് നടത്തി. ഇന്ത്യ ,യു എ ഇ എന്നിവടങ്ങളിലെ വാണിജ്യ വ്യവസായ നിക്ഷേപാവസരം സംബന്ധിച്ച സെമിനാറുകളും ചർച്ചകളും നടന്നതോടൊപ്പം മൂല്യ വർധിത നികുതിയെക്കുറിച്ചുള്ള ശിൽപശാലയും അരങ്ങേറി. അറബി ,ഇംഗ്ലീഷ് ഭാഷകളിലായിരുന്നു സെമിനാറുകളും ശിൽപശാലകളും.
കഠിനാദ്ധ്വാനവും, ഇഛാശക്തിയും മുഖമുദ്രയാക്കണം; വികാസ് സ്വരൂപ്
ഇത് സ്വദേശി നിക്ഷേപാർഥികൾക്കു ഗുണം ചെയ്തു. ശൈഖ് ഇബ്രാഹിം ബിൻ അബ്ദുല്ല അൽ ശർഖി, മുൻ മന്ത്രി മുഹമ്മദ് സയീദ് അൽ കിന്ദി, അംന സാബിർ അൽ ധൻഹാനി, ഡോ .പുത്തൂർ റഹ്മാൻ തുടങ്ങിയവർ പങ്കെടുത്തു. ഐ ബി എം സി സി ഇ ഓ യും എം ഡി യുമായ സജിത്ത് കുമാർ അതിഥികളെ അവതരിപ്പിച്ചു. തുടർച്ചയായ 12 മണിക്കൂർ പരിപാടികളാണ് നടന്നത്. ഐ ബി എം സി ,സി ബി ഓ ,പി എസ് അനൂപ് സ്വാഗതം പറഞ്ഞു.
ഫുജൈറ എമിറേറ്റിന് സെമിനാർ പ്രതീക്ഷ നൽകുമെന്നു ഐ ബി എം സിചെയർമാൻ ശൈഖ് ഖാലിദ് ബിൻ അഹ്മദ് അൽ ഹാമിദ് പറഞ്ഞു. യു എ ഇ യിൽ ഇത് അഞ്ചാമത്തെ പരിപാടിയാണെന്നും റാസൽഖൈമ, അബുദാബി എന്നീ എമിറേറ്റുകളിലും ഇത്തരത്തിൽ പരിപാടി ഒരുങ്ങുന്നുവെന്നും സജിത്കുമാർ അറിയിച്ചു.