Click it and Unblock the Notifications
Just In
Don't Miss
-
IPL 2024: ജയം തുടരാന് സിഎസ്കെ, തിരിച്ചുവരാന് ലഖ്നൗ- ടോസ് 7 മണിക്ക് -
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ -
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
യുഎഇയിലെ ഏറ്റവും വലിയ അടുക്കള ഒരുക്കി കെയ്‌ററ കാറ്ററിംങ്
ദുബായ്: ദുബായ് ഇന്‍വെസ്റ്റ്‌മെന്റ് പാര്‍ക്കിന്റെ ഭാഗമായ ദുബായ് ലാന്‍ഡില്‍ 35,000ലേറെപ്പേര്‍ക്ക് ഭക്ഷണം നല്‍കാനുള്ള ശേഷിയോടെ 24,000 ച അടി വിസ്തൃതിയുള്ള ആധുനിക അടുക്കള സംവിധാനത്തിന് കെയ്റ്റ കാറ്ററിംങ് തുടക്കമിട്ടു. ദുബായ് ഇന്‍വെസ്റ്റ്‌മെന്റ് പാര്‍ക്ക് 2ല്‍ സ്ഥാപിച്ചിരിക്കുന്ന ഈ അടുക്കള രാജ്യത്തെ ഏറ്റവും വലിയ അടുക്കളകളിലൊന്നാണ്. നിലവില്‍ സ്‌കൂളുകള്‍, ആശുപത്രികള്‍, കോര്‍പ്പറേറ്റ് സ്ഥാപനങ്ങള്‍, സാമൂഹിക പരിപാടികള്‍ എന്നിവയ്ക്കായി ശരാശരി 30,000ത്തോളം പേര്‍ക്ക് കമ്പനി ഭക്ഷണം നല്‍കിത്തുടങ്ങിയിട്ടുണ്ട്.
യുഎഇ യിലെ ഫുഡ് സര്‍വീസ് മാനേജ്‌മെന്റ് രംഗത്ത് പ്രശസ്തമായ കെയ്റ്റ ചെറുകിട സ്വകാര്യ കാറ്ററിംങ് സേവനങ്ങള്‍ മുതല്‍ വമ്പന്‍ ചടങ്ങുകള്‍ക്കാവശ്യമായ പഞ്ചനക്ഷത്ര ഡൈനിംഗ് സേവനങ്ങള്‍ വരെ നല്‍കി വരുന്നുണ്ട്. കമ്പനിയുടെ പുതിയ അടുക്കള കഴിഞ്ഞ ദിവസമാണ് ഉദ്ഘാടനം ചെയ്തത്. കെയ്റ്റയുടെ ദുബായിലെ ആദ്യത്തെ ഫുഡ് സര്‍വീസ് മാനേജ്‌മെന്റ് കേന്ദ്രം തുടങ്ങാനായതില്‍ അഭിമാനമുണ്ടെന്ന് ഡയറക്ടര്‍ ഓഫ് ഓപ്പറേഷന്‍സ് റെനില്‍ കൃഷ്ണന്‍ പറഞ്ഞു.
'ഞങ്ങളുടെ എല്ലാ ഉപഭോക്താക്കള്‍ക്കും, വിശേഷിച്ചും കുട്ടികള്‍ക്ക്, ആരോഗ്യകരമായ ഭക്ഷണം നല്‍കണമെന്നാണ് ഞങ്ങളുടെ ലക്ഷ്യം. ടീമിന്റെ ഭാഗമായുള്ള ഡയറ്റീഷ്യന്‍ ഭക്ഷണവിഭവങ്ങളുടെ ഗുണനിലവാരം തുടര്‍ച്ചയായി നിരീക്ഷിക്കപ്പെടുന്നുണ്ടെന്ന് ഉറപ്പുവരുത്തുമെന്നും അദ്ദേഹം വ്യക്തമാക്കി. 15 മില്യണ്‍ ദിര്‍ഹം മുതല്‍മുടക്കി സ്ഥാപിച്ചിരിക്കുന്ന ഈ പുതിയ അടുക്കളയിലെ താപനില, ഷെഫുമാര്‍ക്ക് ആവശ്യാനുസരണം നിയന്ത്രിക്കാന്‍ കഴിയുന്ന ആധുനിക സംവിധാനങ്ങളോടു കൂടിയതാണ്.
ഭക്ഷണവിഭവങ്ങളുടെ സുരക്ഷിതത്വത്തിനാവശ്യമായ താപനില ഉറപ്പുവരുത്താന്‍ ഇതുമൂലം കഴിയുന്നു. കൂടുതല്‍ താമസിയാതെ കെയ്റ്റയുടെ പ്രവര്‍ത്തനം മറ്റ് എമിറേറ്റുകളിലേയ്ക്കും വ്യാപിപ്പിക്കുവാനുള്ള തയ്യാറെടുപ്പിലാണ് കമ്പനി.
