ലോകത്തെ ഏറ്റവും വലിയ സ്വര്ണ്ണ മോതിരം ഷാര്ജയില് പ്രദര്ശിപ്പിക്കും
ഷാര്ജ: 39ാം മത് മിഡ്ഡില് ഈസ്റ്റ് വാച്ച് ആന്റ് ജ്വല്ലറി ഷോയുടെ ഭാഗമായാണ് ലോകത്തിലെ ഏറ്റവും വലിയ സ്വര്ണ്ണ മോതിരം പ്രദര്ശിപ്പിക്കുന്നത്. ഷാര്ജ എക്സ്പോ സെന്ററില് ഒക്ടോബര് ആറ് മുതല് ആരംഭിക്കുന്ന ഷോയില് മോതിരത്തിന്നടുത്ത് നിന്ന് ഫോട്ടോ എടുക്കാനും സന്ദര്ശകര്ക്ക് അവസരമുണ്ടാകും. ഗിന്നസ് ബുക്കില് ഇടം നേടിയ ഈ വമ്പന് മോതിരത്തിന്റെ പേര് നജ്മത് ത്വയ്ബ എന്നാണ്.
55 ജോലിക്കാര് ദിവസവും 10 മണിക്കൂര് വീതം 45 ദിവസം പ്രയത്നിച്ചാണ് ഏതാണ്ട് 58.686 കിലോഗ്രാം തൂക്കമുള്ള മോതിരം നിര്മ്മിച്ചത്. 5.17 കിലോ രത്നക്കല്ലുകളും മോതിരത്തില് പതിച്ചിട്ടുണ്ട്. ഈ വര്ഷത്തെ വാച്ച് ആന്റ് ജ്വല്ലറി ഷോയുടെ മുഖ്യ ആകര്ഷണവും ഈ ഭീമന് മോതിരം തന്നെയായിരിക്കും.
സൗദി അറേബ്യയിലെ ത്വയ്ബ ഗോള്ഡ് ആന്റ് ജ്വല്ലറിയാണ് മോതിരത്തിന്റെ ഉടമകള്. വെള്ളിയാഴ്ച വൈകീട്ട് 4 മുതല് 10 വരെയും മറ്റ് ദിവസങ്ങളില് ഉച്ചയ്ക്ക് 12 മുതല് രാത്രി 10 വരെയുമാണ് പ്രദര്ശനം. ബുധനാഴ്ച സ്ത്രീകള്ക്ക് മാത്രമായിരിക്കും പ്രവേശനം. സന്ദര്ശകര്ക്ക് നറുക്കെടുപ്പിലൂടെ നിരവധി സമ്മാനങ്ങളും അധിക്രതര് ഒരുക്കിയിട്ടുണ്ട്.