കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കുട്ടികളുണ്ടാകണോ? ജനുവരി 2 ന് രാത്രി 10.36 ന് സെക്‌സ് ചെയ്യൂ... എന്താണ് ആ സമയത്തിന്റെ പ്രത്യേകത?

ചാനല്‍ മം എന്ന യൂട്യൂബ് ചാനല്‍ നടത്തിയ സര്‍വ്വേയില്‍ പറയുന്ന കാര്യങ്ങളാണിത്. ഈ ദിനത്തെ 'നാഷണല്‍ ബേബി മേക്കിങ് ഡേ' എന്നാണ് ഇവര്‍ വിശേഷിപ്പിക്കുന്നത്

  • By നരേന്ദ്രൻ
Google Oneindia Malayalam News

വീട്ടില്‍ പ്രസവം നടന്നിരുന്ന കാലം ഒക്കെ കഴിഞ്ഞു. ഇപ്പോള്‍ അധിക പ്രസവങ്ങളും ആശുപത്രിയില്‍ തന്നെ ആണ്. ഏത് ദിവസം പ്രവസിക്കണം എന്ന കാര്യം പോലും ആശുപത്രികളില്‍ തീരുമാനിക്കപ്പെടുന്നുണ്ട്.

എന്നാല്‍ ഏത് ദിവസം ഗര്‍ഭിണിയാകണം എന്ന് പോലും ഇപ്പോള്‍ തീരുമാനിക്കപ്പെടുന്നുണ്ട് എന്നാണ് റിപ്പോര്‍ട്ടുകള്‍. കുട്ടി ജനിക്കുന്നത് വിശേഷ ദിനത്തില്‍ തന്നെ വേണം എന്നാണത്രെ പല മാതാപിതാക്കളുടേയും വാശി.

ഇംഗ്ലണ്ടിലേക്ക് പോയാല്‍ ആ പ്രത്യേക ദിനം സെപ്തംബര്‍ 26 ആണെന്നാണ് പറയുന്നത്. ഏറ്റവും അധികം പ്രസവും നടക്കുന്നത് ഈ ദിവസം ആണ്. ചാനല്‍ മം എന്ന യൂട്യൂബ് ചാനല്‍ നടത്തിയ പഠനത്തിലെ കണ്ടെത്തലുകള്‍ രസകരമാണ്.

 ക്രിസ്തുമസ് സമയത്ത്

ക്രിസ്തുമസ് സമയത്ത് ഗര്‍ഭിണായാകാനാണത്രെ പല അമ്മമാരും ആഗ്രഹിക്കുന്നത്. ചാനല്‍ മം നടത്തിയ സര്‍വ്വേയില്‍ 23 ശതമാനം പേരും ഈ ആഗ്രഹമാണ് പങ്കുവച്ചത്.

നാഷണല്‍ ബേബി മേക്കിങ് ഡേ!!!

സെപ്തംബര്‍ 26 ന് കുട്ടി ജനിക്കണമെങ്കില്‍ ജനുവരിയില്‍ തന്നെ ഗര്‍ഭിണിയാകണം. അതിന് ഏറ്റവും അനുയോജ്യമായ ദിനം ജനുവരി 2 ആണ് എന്നാണ് കണ്ടെത്തല്‍. നാഷണല്‍ ബേബി മേക്കിങ് ഡേ എന്നാണ് ചാനല്‍ മം ഈ ദിവസത്തെ വിശേഷിപ്പിക്കുന്നത്.

കൃത്യം സമയം ജനുവരി 2 രാത്രി 10.36

ജനുവരി 2 ന് രാത്രി കൃത്യം 10 മണിക്ക് തന്നെ സെക്‌സില്‍ ഏര്‍പ്പെടുന്നതാണ് ഏറ്റവും നല്ലത് എന്നാണ് കണ്ടെത്തല്‍. അപ്പോള്‍ സെപ്തംബര്‍ 26 ന് തന്നെ കുഞ്ഞ് ജനിക്കുമത്രെ.

വെറുതേ പറഞ്ഞതല്ല കണക്കാണ്

ഇത് വെറുതേ പറയുന്നതല്ല കേട്ടോ. 38 ആഴ്ചകളാണ് ഗര്‍ഭകാലം. അത് വച്ച് നോക്കുമ്പോള്‍ ജനുവരി 2 കൃത്യ സമയമാണത്രെ. 71 ശതമാനം ആളുകളും പറഞ്ഞത് അനുസരിച്ചാണ് രാത്രി 10.36 നെ ആ കൃത്യസമയയാണ് കണ്ടെത്തിയിട്ടുള്ളത്.

എന്താണ് ആ സമയത്തിന്റെ പ്രത്യേകത

ജനുവരി 2, 10.30- എന്താണ് ഈ സമയത്തിന്റെ പ്രത്യേകത എന്ന ചോദ്യവും സ്വാഭാവികമായി ഉയരും. അതിനും ആളുകള്‍ കൃത്യമായ ഉത്തരം നല്‍കുന്നുണ്ട്.

ഒരുമിച്ചുണ്ടാകുന്ന സമയം

ഭാര്യയും ഭര്‍ത്താവും ഏറ്റവും അധികം ഒരുമിച്ചുണ്ടാകുന്ന സമയമാണിത് എന്നാണ് 73 ശതമാനം ആളുകളും പറയുന്നത്. ഇംഗ്ലണ്ടിലെ അവധിക്കാലം ആണല്ലോ...

എറ്റവും സന്തോഷം

ഒരു വര്‍ഷത്തില്‍ ഏറ്റവും സന്തോഷകരമായ കാലം ആയിരിക്കും ക്രിസ്തുമസ്- ന്യൂ ഇയര്‍ കാലം എന്നാണ് 48 ശതമാനം പേരും പറയുന്നത്. ഉത്സവകാലം ഏറ്റവും പറ്റിയ സമയാണെന്ന് വേറെ ഒരു കൂട്ടരും പറയുന്നു.

കള്ള് കുടിച്ച് ഫിറ്റാവും

ന്യൂ ഇയറിന് തൊട്ടടുത്ത ദിവസവും കള്ള് കുടിയ്ക്ക് ഒരു കുറവും ഉണ്ടാവില്ല. അതുകൊണ്ട് തന്നെ ഒരു ലക്കും ലഗാനും ഇല്ലാതെ കാര്യങ്ങള്‍ നടക്കും എന്നാണ് മറ്റൊരു കൂട്ടരുടെ വിശദീകരണം.

'ആക്‌സിഡന്റ് ചില്‍ഡ്രണ്‍'

ആക്‌സിഡന്റ് ചില്‍ഡ്രണ്‍ എന്നും സെപ്തംബര്‍ മാസത്തില്‍ ജനിക്കുന്ന കുട്ടികളെ വിശേഷിപ്പിക്കാറുണ്ട്. കുട്ടിയുണ്ടാവുക എന്ന് ലക്ഷ്യം വച്ചായിരിക്കില്ല ജനുവരിയില്‍ സെക്‌സില്‍ ഏര്‍പ്പെടുക എന്നതാണ് ഇതിനെ ന്യായീകരിച്ചുകൊണ്ട് പറയുന്നത്.

നമ്മുടെ നാട്ടിലാണെങ്കിലോ?

എപ്പോള്‍ കുട്ടി ജനിക്കണം എന്ന് കൃത്യമായ പദ്ധതി തയ്യാറാക്കുന്ന സ്വഭാവം എന്തായാലും നമ്മുടെ നാട്ടുകാര്‍ക്കില്ല. വിദേശികളും അക്കാര്യത്തില്‍ അത്ര മോശം ഒന്നും അല്ലെന്ന് തന്നെ കരുതേണ്ടി വരും.

English summary
Looking to get pregnant? Here’s why you need to have sex on Jan 2 at 10.36pm.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X