ആതന്‍സില്‍ ബോംബ് സ്‌ഫോടനം

ആതന്‍സ്: ഗ്രീക്ക് തലസ്ഥാനമായ ആതന്‍സില്‍ ശക്തമായ സ്‌ഫോടനം. വാര്‍ത്താവിതരണ മന്ത്രാലയ ഓഫീസിന് പുറത്താണ് സ്‌ഫോടനം നടന്നത്. സ്‌ഫോടനത്തിന്റെ ആഘാതത്തില്‍ കെട്ടിടത്തിന് സാരമായ കേടുപാടുകളുണ്ടായി. എന്നാല്‍ ആര്‍ക്കും പരിക്കേറ്റിട്ടില്ലെന്ന് അധികൃതര്‍ അറിയിച്ചു.

രണ്ട് ടെലിവിഷന്‍ ചാനല്‍ ഓഫീസുകളില്‍ ബോംബ് ഭീഷണി സന്ദേശം എത്തിയതിന് തൊട്ടുപിന്നാലെയാണ് സ്‌ഫോടനമുണ്ടായത്. സ്‌ഫോടനത്തെ തുടര്‍ന്ന് പ്രദേശത്തെ ജനങ്ങള്‍ പരിഭ്രാന്തരായി.

ഒരാഴ്ചയ്ക്കുള്ളില്‍ ആതന്‍സ് നഗരത്തിലുണ്ടാകുന്ന രണ്ടാമത്തെ സ്‌ഫോടനമാണിത്. ഗ്രീക്ക് പാര്‍ലമെന്റ് മന്ദിരത്തിന് സമീപം നടന്ന സ്‌ഫോടനത്തിന്റെ ഉത്തരവാദിത്വം ഒരു ഇടതുപക്ഷ തീവ്രവാദ സംഘടന ഏറ്റെടുത്തിരുന്നു.