റിയാലിറ്റി ഷോയുടെ ഭാഗമായുള്ള ഓണം ഓര്മ്മകളിലാണ് ഞാന് ജീവിക്കുന്നത്- പ്രിയാമണി
മലയാളസിനിമയിലും തെന്നിന്ത്യന് സിനിമയിലും തിളങ്ങിയ പ്രിയാമണി ഓണത്തിന്റെ ഓര്മ്മകള് പങ്കുവെയ്ക്കുന്ന സന്തോഷത്തിലാണ്. കുട്ടിക്കാലത്തിന്റെ ഏറിയ പങ്കും ചെലവഴിച്ചത് ബെംഗളുരുവില് ആയതിനാല് പരമ്പരാഗതമായ ഓണാഘോഷങ്ങളൊന്നും അനുഭവിച്ചിട്ടില്ല. ഓര്മ്മകളിലെ ഓണാഘോഷത്തെക്കുറിച്ച് നടിയും ഡാന്സറുമായ പ്രിയാമണി പറയുന്നു. ഡാന്സ് റിയാലിറ്റി ഷോകളുടെ സെറ്റുകളിലെ അനുഭവങ്ങളാണ് ഓണം ഓര്മ്മകളുമായി ബന്ധപ്പെട്ട് കിടക്കുന്നത്.
പരമ്പരാഗത രീതിയിലെ ഓണാഘോഷം ഞാന് ശരിയ്ക്കും ആസ്വദിക്കുന്നു. കഴിഞ്ഞ നാല് വര്ഷങ്ങളും ഡാന്സ് റിയാലിറ്റി ഷോയിലെ ടീം അംഗങ്ങള്ക്കൊപ്പം ആഘോഷിച്ച ഓര്മ്മകളും പ്രിയാമണി പങ്കുവെയ്ക്കുന്നു. ഓണസദ്യയും ഓണപ്പാട്ടും, തിരുവാതിര കളിയും വടംവലിയും ഉറിയടി മത്സരവും ഒക്കെയായി മലയാളികളുടെ ശരിക്കും ഓണാഘോഷത്തെ നെഞ്ചേറ്റിയത് റിയാലിറ്റി ഷോയുടെ പ്ലാറ്റ്ഫോമില് വെച്ചാണ്.
റിയാലിറ്റി ഷോയുടെ ഭാഗമായുള്ള ഓണം ഓര്മ്മകളിലാണ് ഞാന് ജീവിക്കുന്നത്. മലയാളത്തിന്റെ പ്രിയനടി പറഞ്ഞുനിര്ത്തുന്നു. മഴവില് മനോരമയിലെ ഡാന്സ് ഷോയിലൂടെ ജഡ്ജായി വന്ന് മലയാളികളുടെ മനസ്സില് ആഴത്തില് വേരിറങ്ങിയ പ്രിയാമണിയെന്നും മലയാളികളുടെ സന്ദര്ശക മുറിയിലെ ഒഴിവാക്കാനാവാത്ത അതിഥി തന്നെയാണ്.