സ്പായുടെ മറവില് മാംസവ്യാപാരം; പിടിയിലായവരില് വിദേശി യുവതികളും!
ജയ്പൂര്: ബ്യൂട്ടി പാര്ലറിന്റെ മറവില് മാംസവ്യാപാരം നടത്തിയ പതിനെട്ട് പേരെ പോലീസ് അറസ്റ്റ് ചെയ്തു. 10 യുവതികളും 8 പുരുഷന്മാരുമാണ് അറസ്റ്റിലായത്. പിടിയിലായ യുവതികള് തായ്ലന്ഡില് നിന്നുള്ളവരാണ് എന്ന് പോലീസ് പറഞ്ഞു. ജയ്പൂരിലെ ബാനിപാര്ക് പ്രദേശത്തുനിന്നാണ് ഇവരെ അറസ്റ്റ് ചെയ്തത്. ഞായറാഴ്ചയാണ് സംഭവം.
മസാജ് ചെയ്യാന് എന്ന വ്യാജേന ഇവിടെ ആളുകള് എത്തുകയും അനാശാസ്യ പ്രവര്ത്തനങ്ങളില് ഏര്പ്പെടുകയും ചെയ്യുന്നതായി പ്രദേശവാസികള് പരാതിപ്പെട്ടതിന്റെ അടിസ്ഥാനത്തിലാണ് അറസ്റ്റ്. സദര് പോലീസ് സ്റ്റേഷനിലാണ് ഇവര്ക്കെതിരെ കേസ് രജിസ്റ്റര് ചെയ്തിരിക്കുന്നത്. ബാനിപാര്ക്കിലെ ക്രിസ്റ്റല് മാളിലെ സ്പാ റെയ്ഡ് ചെയ്താണ് പോലീസ് മാനേജര് അടക്കം 18 പേരെ അറസ്റ്റ് ചെയ്തത്.
തായ് ഹാര്മണി സ്പാ എന്നാണ് ഇവരുടെ കടയുടെ പേര്. നാല് ബ്യൂട്ടിഷന്മാരും ഇവരുടെ സഹായികളുമാണ് പിടിയിലായത്. കസ്റ്റമര്മാരായി എത്തിയ പുരുഷന്മാരെയും മാനേജരെയും പോലീസ് അറസ്റ്റ് ചെയ്തിട്ടുണ്ട്. ഇവര് മസാജ് എന്ന പേരില് അനാശാസ്യ പ്രവര്ത്തനം നടത്തിവരികയായിരുന്നത്രെ ഇവിടെ. മൂവായിരം മുതല് ആറായിരം രൂപ വരെയാണ് ഇവര് ഈടാക്കിയിരുന്നതെന്നും പോലീസ് പറയുന്നു.