യുപിയില്‍ സഹോദരിമാരെ കൂട്ടമാനഭംഗത്തിനിരയാക്കി

ബദായൂന്‍: ഉത്തര്‍പ്രദേശിലെ ബദായൂനില്‍ പ്രായപൂര്‍ത്തിയാകാത്ത സഹോദരിമാരെ തട്ടികൊണ്ടുപോയി കൂട്ടമാനഭംഗത്തിനിരയാക്കി. ബദായൂനിലെ ജരീഫ് നഗറില്‍ നിന്നും അഞ്ചംഗ സംഘം തോക്കുചൂണ്ടി പെണ്‍കുട്ടികളെ തട്ടികൊണ്ടുപോവുകയായിരുന്നു.

തോക്ക് ചൂണ്ടിയാണ് കൂട്ടമാനഭംഗത്തിനിരയാക്കിയത്. അഞ്ച് പേര്‍ ചേര്‍ന്നാണ് ഇവരെ മാനഭംഗപ്പെടുത്തിയത്. കഴിഞ്ഞ ദിവസം വൈകിട്ട് വീട്ടില്‍ നിന്നും പുറത്തിറങ്ങിയ പെണ്‍കുട്ടികളെ കാണാതാവുകയായിരുന്നു.

പെണ്‍കുട്ടികളെ കാണാതായതിനെ തുടര്‍ന്ന് നാട്ടുകാര്‍ നടത്തിയ തെരച്ചിലില്‍ പെണ്‍കുട്ടികളെ അവശനിലയില്‍ കണ്ടത്തെുകയായിരുന്നു. തുടര്‍ന്ന് ഇവരെ പൊലീസ് സ്റ്റേഷനില്‍ എത്തിച്ച ശേഷം വൈദ്യപരിശോധനക്ക് വിധേയരാക്കി.

സംഭവത്തില്‍ പൊലീസ് കേസെടുത്തു. പ്രതികളില്‍ രണ്ടുപേര്‍ സഹോദരങ്ങളാണ്. പ്രതികള്‍ക്കായുള്ള തെരച്ചില്‍ ഊര്‍ജിതമാക്കിയതായി പൊലീസ് സൂപ്രണ്ട് സൗമിത്ര യാദവ് പറഞ്ഞു.

English summary

two minor girls were allegedly kidnapped and gang-raped at gun point by five persons in Jareef Nagar area.