അച്ഛനെ കൊന്ന് സഹോദരികളെ ബലാത്സംഗം ചെയ്തു
ഹിസാര്: പ്രായപൂര്ത്തിയാകാത്ത സഹോദരികളെ ബലാത്സംഗം ചെയ്ത രണ്ടുപേരെ പോലീസ് അറസ്റ്റുചെയ്തു. 14 ഉം 16 ഉം വയസ്സുള്ള പെണ്കുട്ടികളാണ് കൂട്ടബലാത്സംഗത്തിന് ഇരകളായത്. ഇവരുടെ അച്ഛനെ കൊലപ്പെടുത്തിയ ശേഷമായിരുന്നു അക്രമികള് ഇവരെ പീഡിപ്പിച്ചതെന്ന് പോലീസ് പറഞ്ഞു. സോനു, വീര്സിംഗ് എന്നിരാണ് അറസ്റ്റിലായത്.
ഹരിയാനയിലെ ഹിസാറിലാണ് കഴിഞ്ഞ മാസമാണ് സഹോദരിമാര് പീഡിപ്പിക്കപ്പെട്ടത്. സംഭവം പുറത്താരോടെങ്കിലും പറഞ്ഞാല് കൊന്നുകളയുമെന്ന് ഭീഷണിപ്പെടുത്തിയാണ് അക്രമികള് വീടുവിട്ടത്. എന്നാല് കഴിഞ്ഞ ദിവസം ഇരുവരും ചേര്ന്ന് പോലീസ് സ്റ്റേഷനിലെത്തി പരാതി നല്കുകയായിരുന്നു എന്ന് ഹാന്സി പോലീസ് സ്റ്റേഷനിലെ ഓഫീസര് പ്രതീക് കുമാര് പറഞ്ഞു.
കൊലപാതകം, ബലാത്സംഗം എന്നീ കുറ്റങ്ങള് ചുമത്തിയാണ് ഇവരെ അറസ്റ്റ് ചെയ്തത്. പെണ്കുട്ടികളെ വൈദ്യ പരിശോധനയ്ക്ക് വിധേയരാക്കി. ഇരുവരും മാനഭംഗത്തിന് ഇരകളായതായാണ് പരിശോധന ഫലം എന്നും പ്രതീക് കുമാര് അറിയിച്ചു. കൊലപാതകക്കുറ്റത്തിന് പിടികൂടിയ സോനുവിനെയും വീര്സിംഗിനെയും പെണ്കുട്ടികളുടെ വെളിപ്പെടുത്തലിന്റെ അടിസ്ഥാനത്തില് ബലാത്സംഗക്കുറ്റത്തിലും പ്രതിചേര്ക്കുകയായിരുന്നു.
ഹിസാറില് തന്നെ മറ്റൊരു സംഭവത്തില് 19 കാരിയെ രണ്ടുപേര് ചേര്ന്ന് ബലാത്സംഗം ചെയ്തു. അനൂപ് സിംഗ്, രാജേന്ദര് എന്നിവരെയാണ് ബലാത്സംഗക്കുറ്റിത്ത് പോലീസ് അറസ്റ്റ് ചെയ്തത്. തന്നെ തട്ടിക്കൊണ്ടുപോയി ഇരുവരും ചേര്ന്ന് ബലാത്സംഗം ചെയ്യുകയായിരുന്നു എന്ന് പീഡനത്തിന് ഇരയായ പെണ്കുട്ടി പറഞ്ഞു.