ഭിക്ഷ നല്‍കാത്തതിന് യാചകന്‍ സ്ത്രീയെ കടന്ന് പിടിച്ചു, അശ്ലീലം പറഞ്ഞു

മുംബൈ: യാത്രക്കാരിയെ കടന്ന് പിടിയ്ക്കുകയും അപമാനിയ്ക്കാന്‍ ശ്രമിയ്ക്കുകയും ചെയ്ത യാചകന്‍ അറസ്റ്റില്‍. 75കാരനായ ഗംഗരാം നിഖല്‍ജി (75) എന്ന യാചകനാണ് റെയില്‍വേസ്റ്റേഷനില്‍ ട്രെയിന്‍ കാത്തിരുന്ന യാത്രക്കാരിയ കടന്ന് പിടിയ്ക്കുകയും അശ്ലീലം പറയുകയും ചെയ്തത്.

പഌറ്റ്‌ഫോമില്‍ ഇരിയ്ക്കുകയായിരുന്ന സ്ത്രീയോട് ഭിക്ഷ ചോദിച്ച് വൃദ്ധന് പലതവണ ദേഹത്ത് സ്പര്‍ശിച്ചു. പണം കൊടുക്കാന്‍ സ്ത്രീ തയ്യാറാകാതിരുന്നതോടെ അശ്ലീലം പറയുകയും ദേഹത്ത് കടന്ന് പിടിയ്ക്കുകയുമായിരുന്നു. യാചകനെ തള്ളിയിട്ട ശേഷം സ്ത്രീ സ്റ്റേഷന്‍ മാനേജരുടെ സഹായം തേടി.

തുടര്‍ന്ന് റെയില്‍വേ ജീവനക്കാര്‍ ഇടപെട്ട് യാചകനെ കൈയ്യോടെ പിടികൂടി റെയില്‍വേ പൊലീസിന് കൈമാറി. സ്ത്രീയോടൊപ്പം ഒട്ടേറെ യാത്രക്കാരും പഌറ്റ്‌ഫോമില്‍ ഉണ്ടായിരുന്നു. ഗംഗാറാം പലരില്‍ നിന്നും ഭിക്ഷ ചോദിയ്ക്കുകയും നല്‍കാത്തവരെ അസഭ്യം പറയുകയും ചെയ്തതായി പറയുന്നു. ഇതിനിടെയാണ് സ്ത്രീയുടെ അടുത്തെത്തുകയും ഭിക്ഷ നല്‍കാത്തതിന് കടന്ന് പിടിയ്ക്കുകയും ചെയ്തത്.

English summary

Beggar held for touching woman commuter, obscene remark in Mumbai