യുവതിയെ കൊല്ലാന് ശ്രമിച്ചത് ദൈവംപറഞ്ഞിട്ടെന്ന് യുവാവിന്റ മൊഴി
ഹോട്ടല്മുറിയില് വിളിച്ചുവരുത്തി നഗ്നയാക്കിയശേഷം കുത്തിക്കൊല്ലാന് ശ്രമിക്കുന്നതിനിടെ ഓടി രക്ഷപ്പെടുന്ന യുവതിയുടെ വീഡിയോദൃശ്യം നെറ്റില് പരക്കുന്നു.
ലൈംഗികത്തെഴിലാളിയായ യുവതിക്കു പിന്നാലെ കത്തിയുമായി യുവാവ് പായുന്നതും ദൃശ്യങ്ങളിലുണ്ട്. ന്യൂ തായ്പെയിയിലാണ് സംഭവം. പ്രശ്നക്കാരനായ യുവാവിനെ പൊലീസ് അറസ്റ്റുചെയ്തു.
യുവതിയെ ഹോട്ടല്മുറിയിലേക്ക് വിളിച്ചുവരുത്തി അവരെക്കൊണ്ടുതന്നെ വസ്ത്രങ്ങള് അഴിപ്പിക്കുകയായിരുന്നു. പൂര്ണനഗ്നയായതോടെ യുവതിയുടെ കൈയിലുണ്ടായിരുന്ന ബാഗ്കൈപ്പെടുത്തിയശേഷം കുത്തിക്കൊല്ലുമെന്ന് ഭീഷണിപ്പെടുത്തി.തുടര്ന്ന് യുവതി പുറത്തേക്കിറങ്ങി ഓടി. തൊട്ടുപിന്നാലെ കത്തിയുമായി യുവാവും ഓടി കരച്ചില് കേട്ടെത്തിയ ഹോട്ടല്ജീവനക്കാര് യുവാവിനെ കീഴ്പ്പെടുത്തുകയായിരുന്നു.
ചോദ്യംചെയ്യവെ ദൈവനിര്ദ്ദേശപ്രകാരമാണ് താന് യുവതിയെ ആക്രമിക്കാന് ശ്രമിച്ചതെന്നാണ് ഇയാള് പൊലീസിനോട് പറഞ്ഞു. മൂന്നുവര്ഷം മുമ്പ് പ്രാര്ത്ഥനാവേളയിലാണ് ദൈവം ഇത്തരമൊരാവശ്യം പറഞ്ഞതെന്നും ഇയാള് പറഞ്ഞു. പോലീസ് ഇയാള്ക്ക് മാനസികപ്രശ്നമുണ്ടോ എന്നും അന്വഷിക്കുന്നുണ്ട്.